“Azərbaycan Dəmir Yolları” QSC 30 avqust tarixindən Bakı–Ağdam–Bakı marşrutu üzrə ilk sərnişin qatarınnı 32 ildən sonra işə salıb.
Bakıdan yola düşən qatarda Ağdamın bir sıra tanınmış ictimaiyyət nümayəndələri də olub.
Birinci Qarabağ və 44 günlük Vətən müharibəsinin iştirakçısı polkovnik-leytenant Zahid Qarayev Modern.az-a müsahibəsində işğaldan əvvəlki dövrdə tez-tez qatardan istifadə etdiyini bildirib:
“Ağdama qatarla çox gedib-gəlmişəm. O vaxt işğaldan sonra onu ermənilər Xankəndi qatarı eləmişdi”.
O, həmçinin illər sonra uzun zamandır görmədiyi dostları ilə bu gün yenidən rastlaşdığını da dilə gətirib:
“30 ildən sonra burada elə insanlarla görüşdüm ki, o zamandan bəri görməmişdim. Onlar elə bilirdilər ki, mən Ağdərədə ölmüşəm. Amma mən Göy Məsciddə yuyat yerində dirilmişdim”.
