Salyan Rayon İcra Hakimiyyətinin başçısı Rüstəm Xəlilov rayonun Seyidan kəndinin sakinləri ilə növbəti səyyar görüşünü keçirib.
Modern.az xəbər verir ki, rayonun hüquq-mühafizə orqanlarının, aidiyyəti idarə, müəssisə və təşkilat, xidmət sahələri rəhbərlərinin və kənd sakinlərinin iştirakı ilə keçirilən görüşdə Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə sosial-iqtisadi sahədə qazanılan uğurlar, dövlət-vətəndaş münasibətindən, ölkə rəhbəri tərəfindən vətəndaşlara göstərilən qayğıdan, respublikamızda və rayonda aparılan quruculuq işlərindən söhbət açılıb, sakinləri narahat edən məsələlər dinlənilib.
RİH başçısı rayon ərazisində icra edilən abadlıq-quruculuq işləri, sosial infrastruktur layihələri və əhalinin rifahının yüksəldilməsi istiqamətində atılan addımlar barədə də məlumat verərək, görülən işlərin davamlı xarakter daşıdığını bildirib.
Rayon rəhbəri qəbulda növbə ilə söz alan vətəndaşları fərdi qaydada dinləyib, onların səsləndirdikləri problemləri qısa zamanda aradan qaldırılması istiqamətində müvafiq tapşırıqlar verib.
