Aktyor, bədii qiraət ustası, Əməkdar müəllim Ənvər Vəliyev vəfat edib.
Modern.az xəbər verir ki, bu barədə Əməkdar artist Elnur Kərimov özünün “Facebook” hesabında məlumat paylaşıb.
Sənətkar 78 yaşında dünyasını dəyişib.
Qeyd edək ki, Ə.Vəliyev 1945-ci ildə Bakıda anadan olub. Mirzağa Əliyev adına Azərbaycan Dövlət Teatr İnstitutunun Dram-Kino fakültəsini bitirib və uzun illər orada müəllim kimi fəaliyyətini davam etdirib. O, həmçinin 10-dan çox filmdə aktyor kimi rol alıb.
