Modern.az

Azərbaycanın Əməkdar artisti VƏFAT ETDİ 

Azərbaycanın Əməkdar artisti VƏFAT ETDİ 

12 Aprel 2024, 20:43

Əməkdar artist Namis Şirməmmədov vəfat edib.

 

Modern.az xəbər verir ki, bu barədə sosial şəbəkələrdə məlumat verilib.

 

Bildirilib ki, o uzun sürən xəstəlikdən sonra 62 yaşında vəfat edib.

 

Namis Şirməmmədov 3 aprel 1962-ci ildə anadan olub. 1983-1989-cu illər ərzində Sumqayıt Dövlət Dram Teatrında çalışıb. Həsənağa Turabovun dəvəti ilə 1997-ci ilədək Akademik Milli Dram Teatrında fəaliyyət göstərib.

 

1997-ci ildə yenidən Sumqayıt Dövlət Dram Teatrına gələrək 2008-ci ilə qədər aktyor vəzifəsində işləyib. N.Şirməmmədov daha çox dramatik xarakterli rolları ifa edib. 2008-ci ildən isə teatrın quruluşçu rejissoru kimi fəaliyyət göstərib.

 

2008-ci ildə Prezident İlham Əliyevin sərəncamı ilə “Əməkdar artist” fəxri adına və 2013-cü ildə “Tərəqqi” medalına layiq görülüb.

 

N.Şirməmmədov A.Babayevin “Xilaskar” əsərində ulu öndər Heydər Əliyev obrazını canlandırıb.

Twitter
Sizə yeni tvit var
Keçid et
Dronlar Putinin mülk və sarayı istiqamətində hücuma keçdi