Azərbaycan Respublikasının sabiq müdafiə naziri Dadaş Rzayev vəfat edib.
Modern.az xəbər verir ki, bu barədə onun yaxınları məlumat yayıb.
Bildirilib ki, general-mayor Rzayev uzun sürən xəstəlikdən sonra dünyasını dəyişib.
Xatırladaq ki, D.Rzayev 22 dekabr 1935-ci ildə Goranboy rayonunda doğulub. 1993-cü ildə cəmi 4 ay Azərbaycan Respublikasının müdafiə naziri vəzifəsində çalışıb. 2014-cü ildə Azərbaycan Respublikası Veteranlar Şurasının sədri seçilib. 2015-ci ildə isə "Azərbaycan Respublikasının ictimai həyatındakı səmərəli fəaliyyətinə və gənclərin vətənpərvərlik tərbiyəsindəki xidmətlərinə görə" "Şöhrət" ordeni ilə təltif edilib.
