Xalq rəssamı Tofiq Ağababayev vəfat edib.
Modern.az xəbər verir ki, məlumatı onun yaxınları yayıblar.
Rəssam 96 yaşında dünyasını dəyişib.
Onun vida mərasimi bu gün Təzəpir məscidində olacaq.
Qeyd edək ki, Tofiq Ağababayev Bakı şəhərinin ilk baş rəssamı olub.
1992-ci ildə Azərbaycan Respublikasının Əməkdar incəsənət xadimi, 2006-cı ildə Xalq rəssamı fəxri adları ilə təltif edilib. Prezident İlham Əliyevin müvafiq Sərəncamı ilə Tofiq Ağababayevə 2008-ci ildə Prezidentin fərdi təqaüdü ayrılıb, 2023-cü ildə isə Xalq rəssamı “Şöhrət” ordeni ilə təltif edilib.
