Dünya çempionatının E qrupunun ikinci turunda İspaniya yığması Almaniya millisi ilə qarşılaşıb.
Modern.az xəbər verir ki, qarşılaşma 1:1 hesablı bərabərliklə başa çatıb.
Bu nəticə ilə xallarının sayını 4-ə yüksəldən İspaniya yığması qrupda ilk pillədəki yerini qoruyub. Hərəsinin 3 xalı olan Yaponiya və Kosta Rika uyğun olaraq 2 və 3-cü yerləri bölüşüblər.
Almaniyanın isə 1 xalı var və sonuncu pillədə qərarlaşıb. Qrupun son oyunlarında Almaniya Kosta Rika, Yaponiya isə İspaniya ilə qarşılaşacaq.
***
00:47
Dünya çempionatının E qrupunun ikinci turu çərçivəsində keçirilən İspaniya-Almaniya matçında hesab bərabərləşib.
Modern.az xəbər verir ki, oyunun 83-cü dəqiqəsində Fullkruq Almaniyanın cavab qolunu vurub.
***
00:26
Dünya çempionatının E qrupunun ikinci turu çərçivəsində keçirilən İspaniya-Almaniya oyununda hesab açılıb.
Modern.az xəbər verir ki, matçın 62-ci dəqiqəsində Alvaro Morata İspaniyanı önə keçirib.
***
23:00
Dünya çempionatının E qrupunun ikinci turunda İspaniya yığması Almaniya millisi ilə qarşılaşır.
Modern.az xəbər verir ki, görüş saat 23:00-da start götürüb.
***
Qətərdə keçirilən dünya çempionatının E qrupunun ikinci turunda üz-üzə gələcək İspaniya və Almaniya yığmalarının start heyətləri açıqlanıb.
Modern.az xəbər verir ki, komandalar matçda aşağıdakı “11-lik”lərlə iştirak edəcək:
Almaniya: Manuel Noyer, Tilo Kerer, Niklas Süle, Antonio Rüdiger, David Raum, Coşua Kmmix, Leon Qoretska, Cama Musiala, İlkay Gündoğan, Serj Qnabri, Tomas Müller
İspaniya: Unay Simon, Dani Karvahal, Rodri, Emerik Lyaport, Jordi Alba, Qavi, Serxio Busgets, Pedri, Marko Asensio, Dani Olmo, Ferran Torres
Qeyd edək ki, qarşılaşma Bakı vaxtı ilə saat 23:00-da başlayacaq.
