Ermənistan-Azərbaycan sərhədindəki əməliyyatın NƏTİCƏLƏRİ

Ermənistan-Azərbaycan sərhədindəki əməliyyatın NƏTİCƏLƏRİ

Analitika

14 Sentyabr 2022, 09:22

Siyasi şərhçi Asif Nərimanlı sentyabrın sentyabrın 13-də Ermənistan-Azərbaycvan sərhəddində baş vermiş toqquşmanın nəticələrini qiymətləndirib.

Modern.az-ın məlumatına görə, o, yeddi saatlıq əməliyyatın nəticələrini hərbi və siyasi olaraq belə dəyərləndirib:

“Hərbi nəticələr:
 

Birincisi, Ermənistanın sərhəd boyunca təhdid yarada biləcək hərbi infastrukturu sıradan çıxdı: hərbi hissələr və hava hücumundan müdafiə sistemləri;
 

İkincisi, erməni ordusuna ağır zərbə vuruldu: rəsmi məlumatda 49 itki deyilsə də, erməni mənbələrin məlumatı, eləcə də endirilən zərbələrin görüntüləri bunun qat-qat çox olduğunu deməyə əsas verir; məlumatlara görə, 200-ə yaxın canlı qüvvə itkisi olub, postlar darmadağın edilib, dəyəri yüzmilyonlarla olan iki ədəd S-300 raketi və artilleriya qurğuları sıradan çıxıb;
 

Üçüncüsü, strateji yüksəkliklər nəzarətə götürülüb: rəsmi açıqlamada Ermənistanın nəqliyyat-kommunikasiya sisteminə nəzarət imkanı əldə etdiyimiz qeyd olunur. Qeyri-rəsmi məlumatlara görə,

- 100 kvadratkilometr ərazi ordumuzun nəzarətinə keçib;

- İrəvan-Gorus yolu ordumuzun bir atış məsafəsi qədər nəzarətindədir;
 

Strateji yüksəkliklərə nəzarət Ermənistanın sərhəddə Azərbaycana qarşı təhdid potensialını da sıradan çıxarır.
 

Siyasi nəticələr:
 

Birincisi, hərbi gedişlə masadakı gündəliyi dəyişməyə çalışan Ermənistan istəyinə nail ola bilmədi və bu, İrəvanın tələblərlə razılaşmaqdan başqa yolunun olmadığını yenidən gündəmə gətirir;
 

İkincisi, Bakı həm Moskva, həm Brüssel masasındakı razılaşmların icrası tələbini sərtləşdirəcək: son əməliyyatın nəticələri Bakının diplomatiyada da əlini gücləndirə bilər”.

Facebook
Dəqiq xəbəri bizdən alın!
Keçid et
“Qardaş yumruğu” İranı qorxuya saldı