“Rəsmi Bakının hazırki durumda İran parlamentinin sədri Məhəmməd Baqir Qalibafın Azərbaycanda qəbulundan imtina etməsi doğru qərardır. Bundan əvvəl prezident İlham Əliyevin Tehrana səfərdən imtinası da anlaşılandır”.
Modern.az xəbər verir ki, bunu siyasi ekspert Elxan Şahinoğlu İran parlamentinin sədri Məhəmməd Baqir Qalibafın Azərbaycana səfərinin təxirə salınmasını şərh edərkən deyib.
“Rəsmilərin bu səfərlərdə münasibətlərin indiki gərgin dövründə “dost və tərəfdaşlıqdan” danışması inandırıcı görünməyəcək. Adətən ölkələr arasında münasibətlərdə problemlər yarananda müzakirələr aşağı səviyyədə davam edir. Əgər aşağı səviyyədə aparılan danışıqlarda ortaq məxrəcə gəlinərsə, qarşılıqlı səfərlərə və rəsmilərin görüşlərinə də ehtiyac yaranar. İndiki şərtlər altında isə bu mümkün deyil”, - E.Şahinoğlu bildirib.
Siyasi şərhçi deyib ki, İran parlamentinin sədrinin Azərbaycan əvəzinə Ermənistana səfər etməsi təbiidir.
“Çünki, Tehranın bölgədə dostu və tərəfdaşı Ermənistandır”.
