Fövqəladə Hallar Nazirliyi “Sədərək” Ticarət Mərkəzində yanğınla əlaqədar məlumat yayıb. Modern.az Fövqəladə Hallar Nazirliyinə istinadən xəbər verir ki, ticarət mərkəzində ayrı-ayrı vətəndaşlara məxsus ümumi sahəsi 305 kvadrat metr olan mağazaların yanar konstruksiyaları ümumilikdə 295 kvadrat metr sahədə və 1 ədəd “Beko” markalı kondisioner yanıb. Yüksək temperaturdan yaxınlıqda yerləşən ayrı-ayrı vətəndaşlara məxsus ümumi sahəsi 63 kvadrat metr olan 2 mağazanın lambirdən ibarət tavanı və 1 ədəd “Samsung” markalı kondisionerin üzlüyü əriyib. Yanğın zamanı ölən və ya xəsarət alan olmayıb.
20:46
“Sədərək” Ticarət Mərkəzində baş verən yanğınla bağlı məlumat yayılıb. Modern.az xəbər verir ki, ticarət mərkəzində 2 mağazanın dam örtüyü ümumilikdə 150 kvadrat metr sahədə yanıb.
Məlumata görə, yanğının yayılmasının qarşısı alınıb, tam söndürülməsi istiqamətində müvafiq işlər həyata keçirilir.
Modern.az
