Mədəniyyət və turizm naziri Əbülfəs Qarayev 27 sentyabr - Ümumdünya Turizm Günü ilə əlaqədar bu gün keçirdiyi brifinqdə Azərbayacan gələn əcnəbilərin sayı barədə məlumat verib.
Modern.az xəbər verir ki, nazirin sözlərinə görə, bu ilin 8 ayı ərzində Azərbaycana gələn əcnəbilərin sayı ötən ilin 8 ayına nisbətən 23,1 faiz artıb. Bu il Azərbaycana gələn turistlərin sayı 1 milyon 818 min nəfər təşkil edib.
Nazir deyib ki, bu il yalnız iyul-avqust aylarında hotellərdə 860 mindən çox adam yerləşdirilib.
Ə.Qarayevin sözlərinə görə, Azərbaycanda turizm sahəsində 46 mindən çox adam çalışır.
