Gürcüstanın hakim Gürcü Arzusu Partiyasında kadr dəyişiklikləri planlaşdırılır. Modern.az “Report”a istinadən xəbər verir ki, bu barədə partiyanın liderlərindən biri Mamuka Mdinaradze jurnalistlərə bildirib.
O qeyd ki, Gürcüstan hökumətində dəyişikliklər nəzərdə tutulmayıb: “Bidzina İvanişvilinin iştirakı ilə partiyada dünən və bu gün məsləhətləşmələr aparılıb. Partiyaya yeni simaların gələcəyini istisna etmirik. Əlbəttə ki, partiya fəaliyyətini daha da gücləndirəcək”.
M.Mdinaradze vurğulayıb ki, Gürcü Arzusu Partiyası üçün əsas çağırış vətəndaşlarla koordinasiyanın sürətləndirilməsi və yaxşılaşdırılmasıdır: “Partiyada yenilənmə və yeni üzvlərin gəlməsi ilə bağlı müzakirələr aparılır”.
