130 nömrəli marşrut avtobusu yolu keçən piyadanı vurub.
Bu haqda Modern.az-a Daxili İşlər Nazirliyindən bildirilib.
Məlumata görə, hadisə dünən saat 6 radələrində Qaradağ rayonunun Lökbatan qəsəbəsində baş verib. Abşeron rayon sakini Namiq Məmmədov idarə etdiyi “Daewoo” markalı 130 saylı xətt avtobusla yolu keçən 25-30 yaşlı kişini vurub və nəticədə həmin şəxs hadisə yerində ölüb.
Qaradağ RPİ tərəfindən araşdırma aparılır.
Qeyd edək ki, 130 saylı avtobus Fidan MMC-yə məxsusdur.
