Texas ştatında ABŞ ilə Meksika sərhədi boyunca divarın tikintisi üçün “SLS Co.Ltd” tikinti şirkəti ilə 145 milyon dollar məbləğində müqavilə imzalanıb. Modern.az xarici mediaya istinadən xəbər verir ki, bu barədə ABŞ Gömrük və Sərhəd Nəzarəti Bürosu məlumat yayıb.
Məlumata görə, Gömrük və Sərhəd Nəzarəti Bürosu, ABŞ Ordusunun Mühəndis Korpusu və tikinti şirkətinin imzaladıqları birgə müqavilədə deyilir ki, İdalqo dairəsində Rio-Qrande vadisinin altı millik sektorunda hasarlama sistemi tətbiq ediləcək. Tikintiyə 2019-cu ilin fevralında başlamaq nəzərdə tutulur.
