Noyabırın 25-də Amerika Birləşmiş Ştatlarının Nyu York şəhərində “Tribeca Performing Arts Centre”də dahi Azərbaycan bəstəkarı Qara Qarayevə həsr olunmuş konsert baş tutacaq.
Modern.az xəbər verir ki, konsert Bakı-Bruklin Dostluq Assosiasiyasının və AZZEM beynəlxalq fondunun dəstəyi ilə keçirilir.
Qeyd edək ki, Azərbaycanın böyük bəstəkarı və pedaqoq Qara Qarayevin bu il 100 illik yubileyidir. Bu münasibətlə dünyanın bir çox ölkələrində dahi bəstəkara həsr olunmuş, konsert, xatirə gecəsi və müxtəlif tədbirlər keçirilir
