Almaniyanın “Biontech” şirkəti tərəfindən istehsal olunan COVID-19 peyvəndinin ilk 700 min dozası martın 24-də Türkiyəyə gətirilib.
Modern.az xəbər verir ki, bu barədə Türkiyənin səhiyyə naziri Fahrettin Koca özünün tvitter hesabında bildirib.
Məlumatda qeyd edilir ki, bununla hazırda Türkiyədə ümumilikdə 1.4 milyon doza istifadəyə hazır COVID-19 vaksini var. Vaksinlər peyvəndlərin saxlanılmasına uyğun şəraiti olan bütün mərkəzlərə paylanacaq. “Biontech” şirkəti tərəfindən hazırlana peyvənd isə Türkiyədə ilk dəfə istifadə ediləcək.
