“Birinci sinfə qəbul üzrə müsahibələrdən narazı qalan valideynlər apelyasiya şikayəti ilə müraciət edə bilərlər”.
Modern.az xəbər verir ki, bunu 2021-2022-ci tədris ili üzrə birinci sinfə qəbulla bağlı Təhsil Nazirliyinin sosial şəbəkə hesabındakı canlı yayımda vətəndaşların suallarını cavablandırarkən nazirliyin Ümumi təhsilin təşkili və idarəolunması şöbəsinin əməkdaşı Elçin Kərimov deyib. O, xatırladıb ki, apellyasiya şikayəti 22 maydan 19 iyuna qədər edilə bilər:
“Apelyasiyaya müraciət edən valideynlərin uşaqlarından yenidən müsahibə götürülməyəcək, sadəcə, müsahibə vaxtı olan videoçəkilişə baxılaraq müvafiq rəy verilə bilər. İstisna hal internet problemi yaşayan uşaqlarla bağlı ola bilər. Bu zaman komissiya rəy verməlidir ki, yenidən müsahibə aparılsın, ya yox”.
“Məktəbəhazırlıq qruplarında olmayan və müsahibədən uğurla keçən uşaqlar üçün 24 iyun saat 11:00-dan məktəb seçimi aktivləşəcək”.
