Ucar rayonu ərazisində 5 nəfərin ölümü, 2 nəfərin xəsarət alması ilə nəticələnən yol qəzası ilə bağlı daha bir açıqlama verilib.
Göyçay Mərkəzi Rayon Xəstəxanasından Modern.az-a bildirilib ki, hadisədə xəsarət alan iki nəfər xəstəxanaya yerləşdirilib:
“Onlardan biri 10 yaşlı uşaq daxili qanaxma, ətraf sümüklərinin sınığı diaqnozu ilə daxil olub. Hazırda vəziyyəti stabildir . Renaimasiyada dinamik müşahidədədir. Digəri, 19 yaşlı xəstə isə çanaq sümüyünün sınığı, eyni zamanda bud sümüyünün sınığı ilə diaqnozu ilə müşahidə altına alınıb”.
Qeyd edək ki, iyulun 9-da Bakı-Qazax yolunun Ucar rayonu ərazisindən keçən hissəsində qeydə alınıb. Zaqatala rayon sakini, 1970-ci il təvəllüdlü Nazim Axundovun idarə etdiyi "Vito" markalı mikroavtobus Gədəbəy rayon sakini, 1984-ci il təvəllüdlü Sərxan Abdullayevin idarə etdiyi "Howo" markalı yük maşını ilə toqquşub.
Hadisə nəticəsində sürücü N. Axundov və 4 sərnişini dünyasını dəyişib, 3 nəfər isə xəsarət alıb.
Faktla bağlı Cinayət Məcəlləsinin 263.3-cü ( yol-istismar qaydalarını pozma, iki və daha çox şəxsin ölümünə səbəb olma) maddəsi ilə cinayət işi başlanıb.
Hazırda cinayət işi üzrə ekspertizalar keçirilir.
