“Artıq Azərbaycana koronavirusun “Delta” ştammı gəlib. Bu da gözlənilən idi”.
Modern.az-ın məlumatına görə, bunu Ümumdünya Səhiyyə Təşkilatının (ÜST) Azərbaycan nümayəndəliyinin rəhbəri Hande Harmancı deyib.
ÜST rəsmisi ştammın daha yoluxucu olduğunu bir daha xatırladıb:
“Bu səbəbdən də daha çox insanı xəstələndirə bilər”.
H.Harmancı bu ştamma qarşı xüsusi tədbirlərin görülməsinə ehtiyac olmadığını deyib:
“Görüləcək tədbirlər sırasında çox böyük fərq yoxdur. İlk olaraq peyvənd vurdurmaq, ikincisi, hər zaman dediyimiz kimi gigiyenik qaydalara əməl etmək lazımdır”.
