Bakı metrosunun "Ulduz" stansiyasında 22 yaşlı Şahlar Həsənov stansiya yoluna düşüb.
Bu barədə Modern.az-a məlumat verən "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov deyib ki, sərnişinin özünü pis hiss etməsindən baş verib.
Onun sözlərinə görə, bu səbəbdən qatarların hərəkəti dayanıb və sərnişinlər təxliyə olunub:
"Hadisə saat 19:05-də baş verib. Orta yaşlı bir kişi qatar yoluna düşüb. Bu zaman stansiyaya qatar yaxınlaşırmış. Onu dayandırıb, xətlərdən gərginlik çıxarılıb və sərnişin sağ-salamat çıxarılıb. Bütün prosedur 11 dəqiqə çəkib. Qatarların hərəkətində gecikmə müşahidə edilir".
