BMT “Taliban”ın əfqanıstanlı qadınların qeyri-hökumət təşkilatlarında işləməsinə qadağa qoymasını pisləyib.
Modern.az xəbər verir ki, bu barədə BMT-nin Baş katibi Antoniu Quterreşin ofisi bəyanat yayıb.
Məlumata əsasən, BMT-nin Baş katibi qadınların milli və beynəlxalq qeyri-hökumət təşkilatlarında işləməsinin qadağan edilməsindən narahat olduğunu dilə gətirib.
Bəyanatda vurğulanıb ki, Baş katib “Taliban”ın əmri ilə bağlı xəbərlərdən olduqca narahatdır:
“Bu qərar ölkə daxilində fəaliyyət göstərən və ən həssas qruplara ziyan verəcək. Ən əsası, qadınlara və qızlara kömək edən çoxsaylı təşkilatların işinə maneə yaradacaq”.
