Bərdə rayonunda 10 ədəd odlu silah polisə təhvil verilib.
DİN-in Mətbuat Xidmətinin Bərdə regional qrupundan Modern.az-a bildirilib ki, Bərdə rayon Polis Şöbəsinin əməkdaşlarının keçirdikləri profilaktik tədbirlər nəticəsində qanunsuz saxlanılan odlu silahların könüllü şəkildə təhvil verilməsi təmin edilib. Növbəti tədbir zamanı polis əməkdaşları tərəfindən daha 10 odlu silah təhvil götürülüb.
Bu istiqamətdə tədbirlər mütəmadi olaraq davam etdirilir.
