Bu gün Milli Məclisin deputatı Mahir Süleymanlı Şabran rayonunun Taxtalar kəndində seçicilərlə görüş keçirib.
Modern.az-ın məlumatına görə, görüşdə sakinlərin sosial və təsərrüfat sahələrinə dair müraciətləri dinlənilib, mövcud problemlərin həlli istiqamətində fikir mübadiləsi aparılıb.
Deputat qeyd edib ki, vətəndaşların qaldırdığı məsələlər aidiyyəti qurumlarla müzakirə ediləcək və onların həlli istiqamətində addımlar atılacaq. Görüş səmimi və qarşılıqlı anlayış şəraitində keçib, sakinlər millət vəkilinə göstərdiyi diqqət və dəstəyə görə təşəkkür ediblər.
