Qarabağdan qovulan erməni separatçıların “komandanı” general-leytenant Mikael Arzumanyanın məhkəməyəqədərki həbsi ev dustaqlığı ilə əvəz edilib.
Modern.az Ermənistan KİV-nə istinadən xəbər verir ki, bu barədə onun vəkil Yerem Sarkisyan bildirib.
Qərar Korrupsiyaya Qarşı Mübarizə Məhkəməsinin hakimi Vardqes Sarkisyan tərəfindən verilib.
Arzumanyan 1 sentyabr 2022-ci ildə həbs edilib. O, 44 günlük müharibə zamanı vəzifə səlahiyyətlərindən sui-istifadə etməkdə ittiham olunur və bu, səhlənkarlıq nəticəsində ağır nəticələrə səbəb olub. İttiham aktına görə, o, belə bir səlahiyyət olmadan yüksəkliklərdən birindən geri çəkilməyi əmr edib və nəticədə yüksəklik və ona bitişik mövqelər Azərbaycanın nəzarəti altına keçib.
