Modern.az

Kooperasiya Universitetində sərgi keçirilib - FOTOLAR

Kooperasiya Universitetində sərgi keçirilib - FOTOLAR

Aktual

28 Noyabr 2025, 18:10

Azərbaycan Kooperasiya Universitetində “Gənclərin Texnologiya və İnnovasiya Sərgisi AKUSteam - 2025” adlı tədbir keçirilib.

Modern.az xəbər verir ki, tədbir Mühasibat və kompüter mühəndisliyi fakültəsinin təşkilatçılığı ilə baş tutub. Sərgi tələbələrin nəzəri biliklərini praktikada tətbiq etmələrinə şərait yaratmaq və innovativ ideyalarını ictimaiyyətə təqdim etmək məqsədi daşıyıb.

Sərgidə tələbələr tərəfindən hazırlanmış müxtəlif innovativ layihələr nümayiş etdirilib. Robotexnika, bərpaolunan enerji, proqramlaşdırma və digər sahələri əhatə edən stendlərdə gənc ixtiraçılar öz işlərini qonaqlara təqdim ediblər.
Tədbirdə açılış nitqi ilə çıxış edən Tədris işləri üzrə prorektor Fikrət Quliyev belə təşəbbüslərin tələbələrin mühəndislik və yaradıcılıq bacarıqlarının inkişafında mühüm rol oynadığını vurğulayıb. Sərgi universitet rəhbərliyi, professor-müəllim heyəti və tələbələr arasında böyük marağa səbəb olub.

Sərginin sonunda ən yaxşı layihələr münsiflər heyəti tərəfindən qiymətləndirilərək mükafatlandırılıb. 

Tədbirin təşkilinə və gənclərin təşəbbüslərinə verdiyi dəstəyə görə universitetin rektoru, professor Eldar Quliyevə dərin minnətdarlıq ifadə olunub.

Telegram
Hadisələri anında izləyin!
Keçid et
GƏRGİN DEBAT! Mehdiyev bu vəzifədən də qovuldu