İqtisadiyyat Nazirliyi olaraq MÜSİAD-ın Azərbaycandakı fəaliyyətini və planlaşdırılan 12 istehsal müəssisəsinin qurulması istiqamətindəki təşəbbüsləri dəstəkləməyə tam hazırıq.
Modern.az xəbər verir ki, bunu İqtisadiyyat nazirinin müavini Səməd Bəşirli bildirib.
O, qeyd edib ki, bu məqsədlə KOBİA, Azərbaycan İnvestisiya Şirkəti və digər müvafiq qurumlarla əməkdaşlığa açıqdılar:
“Yatırımçılar üçün istər güzəştli kreditlər, istər sənaye parklarının infrastruktur dəstəyi, istərsə də promosiya və ixrac təşviqləri yönündə lazımi mexanizmləri işə salmağa hazırıq. Azad olunmuş ərazilərdə də artıq həm podrat layihələrinin, həm də birbaşa investisiya layihələrinin icra edilməyə başlayıb”.
