Türkiyənin məşhur müğənnisi Yıldız Tilbe azərbaycanlı ifaçı Vəfa Şərifovanı məhkəməyə verməyə hazırlaşır.
Modern.az xəbər verir ki, bu barədə türkiyəli müğənninin vəkili Handan Bakbak məlumat yayıb.
O bildirib ki, Yıldız Tilbe haqqında mətbuatda çıxan əsassız məlumatlar səbəbi ilə məhkəməyə müraciət olunacaq.
Qeyd edək ki, Vəfa Şərifova televiziya verilişlərinin birində Yıldız Tilbe ilə birlikdə duet oxumaq üçün ona 100 min dollar pul ödədiyini, amma yekunda türkiyəli məşhurun onunla duet oxumadığını və pulunun batdığını bildirib.
