Azərbaycan Respublikası Konstitusiya Məhkəməsinin sabiq hakimi Rafael Sergeyeviç Qvaladze 15 yanvar 2026-cı il tarixdə uzunsürən xəstəlikdən sonra vəfat edib.
Modern.az-ın məlumatına görə, bu barədə mərhumun yaxınları bildiriblər.
Rafael Qvaladze Azərbaycanın görkəmli hüquqşünası kimi hüquqi dövlət quruculuğu və ədalət mühakiməsinin səmərəliliyinin artırılması istiqamətində uzun illər məsul vəzifələrdə uğurla çalışıb, ömrünün 50 ildən çoxunu ölkəmizdə məhkəmə hakimiyyətinin həyata keçirilməsinə həsr edib.
Fəaliyyəti dövrü əzrində Rafael Qvaladze Azərbaycan Respublikasının “Əməkdar hüquqşünası” fəxri adına layiq görülüb, “Azərbaycan Respublikası Prezidentinin fəxri diplomu” və 1-ci dərəcəli “Vətənə xidmətə görə” ordeni ilə təltif olunub.
Onun oğlu Otari Qvaladze hazırda Konstitusiya Məhkəməsinin hakimidir.
Allah rəhmət eləsin!
