Modern.az

Vətəndaşlar şəxsiyyət vəsiqəsini vaxtında dəyişmirlər

Vətəndaşlar şəxsiyyət vəsiqəsini vaxtında dəyişmirlər

7 Sentyabr 2009, 10:31

Azərbaycanda şəxsiyyəti təsdiq edən sənədlərin verilməsi sahəsində islahatlar 2001-ci ilin sentyabrından start verilib. Daxili İşlər Nazirliyi Baş Pasport, Qeydiyyat və Miqrasiya İdarəsinin məlumatına görə, şəxsiyyət vəsiqəsinin 2 növü var:
16 yaşına çatanadək vətəndaşa verilən şəxsiyyət vəsiqəsi; 16 yaşına çatdıqdan sonra vətəndaşa verilən şəxsiyyət vəsiqəsi. 16 yaşına çatmamış vətəndaşlara şəxsiyyət vəsiqəsi verilərkən dövlət rüsumu alınmır.
16 yaşına çatmış vətəndaşlar isə şəxsiyyət vəsiqələrini üç iş günü müddətində aldiqda 5 manat, üç iş günündən sonrakı müddətdə verildikdə isə 1 manat rüsum ödəməlidirlər.Şəxsiyyət vəsiqəsi vətəndaşın öz təqsiri üzündən
itdikdə və ya yararsız hala düşdükdə, onun dəyişdirilməsinə görə 3 manat rüsum ödənməlidir. Şəxsiyyət vəsiqəsinin və pasportun itirilməsinə və ya qəsdən korlanmasına görə Azərbaycan Respublikasının İnzibati Xətalar Məcəlləsinin 331-ci maddəsinə əsasən 15 manatdan 25 manatadək miqdarda cərimə edilir.
DİN-in məlumatına görə, 2008-ci ildə 776 min nəfərə şəxsiyyət vəsiqəsi verilib. Ümumilikdə isə 16 yaşı tamam olmuş 6 milyin 500 mindən çox vətəndaş şəxsiyyət vəsiqəsi alıb.
DİN Baş Pasport, Qeydiyyat və Miqrasiya İdarəsindən bildiriblər ki, «Azərbaycan Respublikası vətəndaşının şəxsiyyət vəsiqəsi haqqında» Qanuna görə, 16 yaşına çatmış vətəndaş ilk dəfə şəxsiyyət vəsiqəsi aldıqdan sonra bu sənədi bir neçə dəfə dəyişdirməlidir. Belə ki, hər bir vətəndaş 25, 35, 50 yaşlarına çatdıqda, bundan başqa onun soyadı, adı, atasının adı, yaşayış yeri, ailə vəziyyəti, hərbi vəzifəsi dəyişdikdə, şəxsiyyət vəsiqəsində olan yazılar təhrif edildikdə, şəxsiyyət vəsiqəsi yararsız hala düşdükdə və ya itdikdə vətəndaş şəxsiyyət vəsiqəsini dəyişdirməlidir.
Lakin müşahidələr göstərir ki, şəxsiyyət vəsiqəsinə malik vətəndaşların əksəriyyəti müvafiq yaşa çatdıqda, ailə vəziyyəti dəyişdikdə sözügedən sənədi dəyişdirmək üçün könüllü surətdə daxili işlər orqanlarına müraciət etmir. Onlar yalnız hansısa bir məsələ ilə əlaqədar rəsmi qurumlara müraciət etdikidə məlum olur ki, şəxsiyyəti təsdiq edən sənid yaşa görə dəyişməlidir.

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir