16 May 2017, 12:25 | Ana Səhifə - Yazılar - Yenə görüşdük, Şahlar!
Yenə görüşdük, Şahlar!

Hidayət Elvüsal

 

Kəlbəcər-Ağdərə yolundakı qeyri-bərabər döyüş, Qarabağ müharibəsinin ən unudulmaz səhnələrindən biridir. O zaman savaş təzə-təzə közərirdi. Amma düşmən onu alovlandırmaq üçün fürsət axtarırdı. Bu od-alov sıradan insanları qətl etməklə dördbir yanı yandırmazdı. Və mayor Şahlar Şükürov təsadüfən seçilməmişdi.

Nəinki el-obada, regionda, bütün respublikada ad-san, hörmət, cəsarət, sahibi Əvəz Şükürovun oğlu düşmən hədəfində idi. Bir neçə maşından ibarət karvanda Dədə Şəmşirin yeganə qızı Gülnaz xanım da vardı. Və elə bu yerdə yaranmış vəziyyətə bir daha diqqətlə nəzər salın.

Gülnaz xanım Dədə Şəmşirin yeganə qız övladı idi. Neçə qardaşın bir bacısı, bir ana, bir gözəl xanım olan Gülnaz xanım. O qadın Dədə Şəmşirin ən gözəl canlı şeiri kimi yaddaşlardan silinməyib. Ona qəsd etmək yalnız bir el-obaya deyil, bütün Azərbaycana göz dağı vermək idi. Savaşa, qan tökməyə bundan savayı təhrik planlaşdırıla bilməzdi. Beləliklə, iki insana - misraları dillər əzbəri olan Dədə Şəmşirə və cəsarəti, qoçaqlığı ilə seçilən Əvəz Şükürova övlad acısı yaşatmaq QƏLƏMƏ və QILINCA qarşı bir düşmən həmləsi, bir erməni şərəfsizliyi idi.

Nəinki yerli, qohum, hətta yad bir qadına belə güllə atanlara qarşılıq verməmək çiynində paqon daşıyan bir azərbaycanlı zabitin səbri, kişiliyi, vəzifə borcu xaricindədir. Ən adi bir vətəndaş belə olsa, Şahlar bunu cavabsız qoymazdı. Buna namusu, şərəfi, ailə tərbiyəsi də yol verməzdi.

Amma döyüş namərdcə qurulmuşdu. Erməniliyin ən alçaq niyyəti ilə başlanmışdı. Dördbir yandan, avtomat silahlar qarşısında bir tapança ilə son damla qanına qədər vuruşmaq hər oğulun işi deyildi. Qeyri-bərabər döyüş davam etdikcə onun bütün varlığını qəzəb, intiqam hissi bürüyürdü.

Ermənilər bir həqiqəti əlbəttə, bilirdilər. Bilirdilər ki, Əvəz Şükürovun oğlu onların qarşısında təslim olmayacaq. Bunu qüruruna sığındırmayacaq. Son gülləsinə qədər vuruşacaq. Qorxurdular, amma onlara bu tapşırıq verilmişdi. Böyük bir el-obanı sarsıtmaq üçün güllələri yağış kimi yağdırırdılar.

Şahları görənlərə, onunla oturub-duranlara bir məsələni elə bu an xatırlatmaq istəyirəm. O gənc mayor uca boyu, yaraşıqlı bədən quruluşu, siması, hərəkətləri, çox zaman susqunluğu, qeyri-adi davranışları ilə hər kəsin diqqətini cəlb edirdi. Sakit olduğu qədər də qətiyyəti, cəsarəti, çox zaman mərhəməti ilə də seçilirdi. Bu qədər keyfiyyətləri bir zabitin dünyasında yer alması əlbəttə, hər an rastlaşa bilmədiyimiz cəhətlərdir. Və bəzən düşünürəm - düşmən Azərbaycanın yalnız təbiət gözəlliyinə, sərvətlərinə deyil, həm də yaraşıqlı övladlarına da paxıllıq edirlər.

Bu günlər Şahların anım məqamlarıdır. Unudulmaz Şahların! Azərbaycanın Milli Qəhrəmanının! Əlbəttə, şəhidlər ölmür. Mən həmişə dediyimi bir daha təkrar edirəm - Azərbaycan Ordusunun bütün döyüşlərində Şahlar kimi əsgərlərimiz də ruhları, amalları ilə vuruşurlar. Onlar torpağa səpilən qəhrəmanlıq, igidlik toxumlarıdır. Və hər dəfə belə günlərdə qeyri-iradi pıçıldayırsan:

- Xoş gördük, qardaşım! Səni anmaqla nur içində yatan bütün şəhidlərimizi yad edirik.

İgid eldən gedər. Amma onu itirən atanın-ananın övlad acısını heç nə azalda bilməz. Atəş ən çox düşdüyü yeri yandırar. Birimiz onu dost, başqa birimiz qardaş, Vətən bir əsgər kimi xatırlayır, fəxr edir və istər-istəməz köyrəlir.

Gör neçə illər keçib. Bu sətirləri yazarkən Şahları bir daha gözlərim önünə gətirib, dərdləşdim. Və birdən onun çiyinlərinə baxdım.

Biz yalnız mayor Şahlar Şükürovu deyil, bu günlərdə rütbəsini alacaq olan bir generalı anırıq.

Milli Qəhrəmanı, generalı!

Və indi onun oğlu atasının yolunu şərəflə davam etdirir. O od-ocaqdan, o ailədən, o eldən-obadan igid əskik olmaz!

Qoy bunu düşmən unutmasın! İntiqam anı uzaqda deyil!

  

 

MÜƏLLİFİN DİGƏR YAZILARI
Millət vəkilindən azad edilmiş ərazilərə dair maraqlı TƏKLİFLƏR 4 Dekabr 2020, 15:40 Milli Məclisdə büdcə müzakirələri başlayır - Üç məsələyə diqqət ayrılacaq 4 Dekabr 2020, 15:26 Qarabağda 700-ə yaxın erməni hərbçinin cəsədi TAPILIB 4 Dekabr 2020, 15:20 UNEC tələbələri Qarabağ şəhidlərini belə yad etdi: Davamçılarınızıq! 4 Dekabr 2020, 15:15 Rusiyanın yardımı ilə Qarabağda 8 min ev TİKİLƏCƏK 4 Dekabr 2020, 15:13 Səttar Möhbalıyev: Şəhidlərə ehtiramımız sonsuzdur! 4 Dekabr 2020, 15:10 “Türk əsgəri olduğu torpağa həmişə sülh gətirib” - Deputat 4 Dekabr 2020, 15:05 “Şəhidlərimizin qanı nahaq yerə tökülmədi” - Mehriban Əliyeva 4 Dekabr 2020, 15:00 LAÇIN-düşmən üzərində tam Qələbə! 4 Dekabr 2020, 14:55 Naftalanda Vətən müharibəsi şəhidləri yad edildi - FOTO 4 Dekabr 2020, 14:50 Nəqliyyatçılar şəhidləri yad ediblər - VİDEO 4 Dekabr 2020, 14:45 Şuşa qalasında şəhidlərin xatirəsi anıldı - FOTO 4 Dekabr 2020, 14:40 Gəncədə şəhidlərin xatirəsi anılıb - FOTO 4 Dekabr 2020, 14:34 Azərbaycan Ordusunda şəhidlərin xatirəsi anıldı - VİDEO 4 Dekabr 2020, 14:28 Trampın qızı prokurorluqda ifadə verdi 4 Dekabr 2020, 14:22 “Ədalət Vəliyev Prezidentin siyasi kursuna uyğun olaraq partiyalarla yüksək səviyyədə iş qura bildi” 4 Dekabr 2020, 14:16 Təhsil naziri şəhid olan müəllimlərlə bağlı paylaşım etdi 4 Dekabr 2020, 14:10 Rasim Musabəyov: “Mən axı kiməm ki, türk sülhməramlılarının Qarabağa gəlib-gəlməməsinə mövqe bildirim...” 4 Dekabr 2020, 14:04 Rusiyalı jurnalist Amin Musayevin həyatını necə xilas etdi? - TƏFƏRRÜAT 4 Dekabr 2020, 13:58 Azərbaycan 2 Ermənistan vətəndaşını AZAD ETDİ 4 Dekabr 2020, 13:52 Ceyhun Bayramov şəhidlərimizlə bağlı paylaşım etdi 4 Dekabr 2020, 13:46 Heydər Əliyev Fondunun dəstəyi ilə Əbədi zirvə” musiqi kompozisiyası hazırlandı - VİDEO 4 Dekabr 2020, 13:40 Rusiya-Ukrayna sərhədində atışma: 1 ölü, 2 yaralı 4 Dekabr 2020, 13:34 “Bu gün Kəlbəcərdəki Alban kilsəsində şəhidlər üçün dualar oxunur” - QMİ sədri 4 Dekabr 2020, 13:28 Bizim Əsgər - Tək övladını döyüşə göndərən ANA: “Özümü hər cür xəbərə hazırlamışdım” - MÜSAHİBƏ 4 Dekabr 2020, 13:22 “İlham Əliyev tarixə Fateh kimi daxil oldu” - Şeyxülislam 4 Dekabr 2020, 13:16 Ermənistan əhalisinin 45%-i Paşinyanın istefasını tələb edir – SORĞU 4 Dekabr 2020, 13:10 Şənbə günü hava necə olacaq? 4 Dekabr 2020, 13:05 Nazirlikdən hava xəbərdarlığı - temperatur 4 dərəcə enəcək 4 Dekabr 2020, 13:00 Sahibə Qafarova anım günü ilə bağlı paylaşım etdi 4 Dekabr 2020, 12:55 Şəhidlərin ruhuna vəhdət namazı qılındı - FOTO 4 Dekabr 2020, 12:50 Hansı universitet imtahanlarda tələbələrə güzəşt edəcək... 4 Dekabr 2020, 12:44 Dünyanın ən varlı ermənisi Paşinyanı istefaya SƏSLƏDİ 4 Dekabr 2020, 12:38 Şəhid xanəndənin ailəsi üçün ev tikiləcək - VİDEO 4 Dekabr 2020, 12:32 Dağ Yəhudiləri İcmasında şəhidlərin xatirəsi anıldı - FOTO 4 Dekabr 2020, 12:26
SORĞU Cəbhə xəbərlərini hansı mənbədən alırsınız?