26 May 2017, 14:07 | Ana Səhifə - Yazılar - Orucluqda rüşvət almır
Orucluqda rüşvət almır

Hidayət Elvüsal


Və elə onun da gözəl xasiyyətləri var. Məsəlçün, orucluq ki, gəlib, başlayıb müsəlmansayağı jestlər etməyə. Elə bu sabah işə gələndə maşını saxladıb, dünən aldığı rüşvətdən 1 manat sürücüyə verdi ki, aparıb salsın nəzir qutusuna. Əlbəttə, müdiri işə aparan sürücü idarənin qorumaları ilə çay içəndə yenə təriflədi:

- Çox müsəlman adamdı. Nəzirini-niyazını əskik eləmir. Elə bu sabah da nəzirini verdi. Allah qəbul eləsin!

Müdir də “petimanutka”dan sonra bir az gərməşdi və zəngi basdı. Katibə içəri girdi. O saat kabineti erotik ətir qoxusu bürüdü. Müdirin nəfəsi bir anlıq sıxıldı, sonra özünə gəldi:

- Qapını bağla!

Katibə yalandan nazlandı:

- Müdir olmaz e!

- Niyə?

- Orucam!

- Yox a!

- Papamın canı!

- Papana quzu kəsim! Elə mən də orucam. O deməkdir ki, ac qalaq?

- Yox e, orucum pozular!

- Pozulmaz! Pozular, sonra bir-iki gün artıq tutarsan, Allah günahlarımızı bağışlar.

- Katibə nazlana-nazlana kabinetin arxa qapısından keçib, müdirin istirahət otağına girdi və o saat da başladı köynəyinin düymələrini açmağa…

…Günortadan sonra həmin adam gəldi. Orucunu “pozub”, biskvitlə kofe içən katibə gözünü süzdürdü:

- Keç! Səni gözləyir!

O da keçdi içəri. İtaətkar görkəm alıb, əllərini ovuşdurdu. Müdirin masasına tərəf getdi və salamlaşıb, əlini cibinə saldı. Bir dəstə pulu çıxaranda müdir dilləndi:

- Nəğayrırsan, ə?

Adam çaşdı:

- Müdir, amanatı gətirmişəm.

Müdir kresloya yayıldı:

- Ə, mən orucam e!

Adam gözlərini döydü. Bilmədi nə desin. Ya da elə gəldiyi kimi də geri dönüb, orucluq ayının çıxmasınımı gözləsin… və donub qaldı. Sonra qeyri-ixtiyari geri dönüb, qapıya tərəf gedəndə, müdir onu səslədi:

- Hara gedirsən, ə?

- M… m…üdir, dediniz ki, orucam.

- Noulsun?

- Yəni… amanatı verimmi?

- Ver!

Adam da təzədən pulu çıxarıb, ona uzadanda dilləndi:

- Ə, demədim orucam?

- Dediniz…

- Dedimsə əlimi o pula nətəhər vurum? Gətir qoy bu sürməyə.

Adam da yaxınlaşıb sürməni çəkdi və pulu qoydu oraya. Müdir dilləndi:

- Allah qəbul eləsin!

- Amin, müdir! Allah sizi başımızın üstündən əskik eləməsin!

- Gedəndə katibəyə denən ki, müdir çağırır.

- Baş üstə!

Katibə içəri girdi. Müdir barmağı ilə onu yaxına çağırdı:

- Bayaq deyirdin maşını ustaya göstərəcəksən.

- Hə!

- Sən niyə göstərirsən? Bu qapıda duran gədələr ölüb? Al bu pulu! O gədəyə də beş-on dollar ver, maşını ustaya aparsın.

- Yaxşı! - sonra da uzaqdan öpüş göndərdi, - Canım mənim!

Bir azdan dostu zəng elədi:

- Axşamı neynəyirik?

- Ə, mən orucam e.

- Mən də orucam. Acından ölək?

Müdir o biri müdirin sözünü yerə salmadı:

- Ölməyək! Elə orda görüşək də. Onların kababı-zadı yaxşı olur.

- Bir-iki masqa da çağırım?

- Mən o sarıdan orucumu açmışam.

…Axşam görüşdülər. O biri müdirin yanında iki qız da vardı. Bu müdir iki dəfə “orucunu” aça bilməyəcəyindən, payına düşən qızın sinəsinə iki-üç dənə yüzlük dollar taxıb, konyakı çəkdi başına…

…Səhər işə gələndə yenə sürücüyə bir manat vermək istədi ki, nəzir qutusuna salsın. Xırdası yox idi.

- Ə, orda saxla, o nəzir qutusuna bir manat sal, sonra verərəm.

Sürücü tez dilləndi:

- Bu nə deməkdi, müdir? Qurbandı sizə! Allah razı olsun!

Və işə gələndə yenə güvənlik işçilərinə deyirdi:

- Çox müsəlman adamdır. İnanın özü ac qalsa da, nəzirini, niyazını əskik eləmir. Yetim atasıdır, çörək verəndir.

Güvənlikçilərdən biri dilləndi:

- Görəsən bizim də maaşımızı verəcək? İki aydır, evə bir qəpik apara bilmirəm. İndi də ki, orucluq başlanıb…

 

 

MÜƏLLİFİN DİGƏR YAZILARI
Abşeron və Sumqayıtda içməli suyun verilməsi dayandırılır 10 May 2021, 12:56 Azərbaycan xalqının Heydər Əliyevə məhəbbəti əbədidir 10 May 2021, 12:50 Heydər Əliyevin doğum günü Nərimanovda ənənəvi ağacəkmə aksiyası ilə qeyd edilib - FOTOLAR 10 May 2021, 12:45 Prezident Ordubad Su Elektrik Stansiyasının tikintisi ilə tanış olub 10 May 2021, 12:40 Oğurladığı maşınla qəza törətdi 10 May 2021, 12:35 “Heydər Əliyev bizimlə olmasa da, onun ideyaları yaşayır” - Mehriban Əliyeva 10 May 2021, 12:29 Prezident Culfa-Ordubad avtomobil yolunun AÇILIŞINDA 10 May 2021, 12:24 Gorançaydan daşqın keçib - FAKTİKİ HAVA 10 May 2021, 12:20 Parlamentdə Heydər Əliyevin ildönümü qeyd olunub - FOTO 10 May 2021, 12:15 Hacıqabulda ağacəkmə aksiyası keçirilib - FOTOLAR 10 May 2021, 12:10 İntibahımızın banisi 10 May 2021, 12:07 Kamran Əliyev baş həkimlərin həbsinə MÜNASİBƏT BİLDİRDİ 10 May 2021, 12:01 Müdafiə Nazirliyinin rəhbərliyi Heydər Əliyevin məzarını ziyarət edib - VİDEO 10 May 2021, 11:55 Sabahın hava PROQNOZU 10 May 2021, 11:50 Baş Prokuror “Tərtər işi”ndən DANIŞDI 10 May 2021, 11:45 Naxçıvanda Süni Mayalanma Mərkəzi istifadəyə verildi 10 May 2021, 11:40 Naxçıvan Qarnizonu Mərkəzi Hospitalının açılışı oldu 10 May 2021, 11:33 “Azərxalça”nın Naxçıvan filialının açılışı oldu 10 May 2021, 11:27 Prezident “ASAN xidmət” Mərkəzinin binasının tikintisi ilə tanış oldu 10 May 2021, 11:20 İlham Əliyev Naxçıvanda Heydər Əliyevin abidəsini ziyarət edib 10 May 2021, 11:14 Prezident hərbi aerodromun AÇILIŞINDA 10 May 2021, 11:07 Coğrafiya elminə ağır itki: əbədiyyətə qovuşan Hüseyn müəllim 10 May 2021, 11:04 Xalidə Bayramova Modern.az-a danışdı: “Allah ən böyük şahidimdir” 10 May 2021, 11:01 Hacıqabul sakininindən narkotik maddə və tüfəng götürüldü 10 May 2021, 10:57 Atam illərlə uğrunda vuruşduğu bir Qələbəni gördü, amma... 10 May 2021, 10:53 Naxçıvan Beynəlxalq Hava Limanının yeni uçuş-enmə zolağının təqdimatı oldu 10 May 2021, 10:50 DSX-nin həbs edilən vəzifəli şəxsləri azadlığa BURAXILDI 10 May 2021, 10:45 İlham Əliyev Naxçıvanda səfərdədir 10 May 2021, 10:39 Azad olunan ərazilərdə “Xarı bülbül” maketləri ərsəyə gətirildi - FOTOLAR 10 May 2021, 10:33 Siyəzəndə narkotik becərən şəxs saxlanıldı 10 May 2021, 10:26 Azərbaycan qadını həyatının çox böyük bir hissəsini susur -  SABİQ DEPUTATLA MÜSAHİBƏ 10 May 2021, 10:20 Prezident və birinci xanım Heydər Əliyevin məzarını ziyarət etdilər 10 May 2021, 10:13 Ötən həftə Qarabağda 93 hektar ərazi minalardan təmizlənib 10 May 2021, 10:06 Bakıda 200 ədəd yeni ağac əkildi - FOTOLAR 10 May 2021, 10:00 Azərbaycanlı jurnalist Fransa portalında minalanmış ərazilərdən yazdı 10 May 2021, 09:53