Azərbaycanın iki cüdoçusu Yerevanda keçirilən gənclər arasında Avropa çempionatının yarımfinalına çıxıb.Gənclər və İdman Nazirliyi xəbər verir ki, 60 kq çəki dərəcəsində yarışan Rasim Əsədullayev 1/4 final mərhələsində Kipr idmançısı Andreas Krassasa qalib gəlib. O, yarımfinalda Fransa idmançısı Florent Urani üzərində qələbə çalıb.
Digər idmançımız Fəqan Eminoğlu (66 kq) 1/4 finalda Macarıstan cüdoçusu Jolt Qoryanaça qalib gəlib. Yarımfinal mərhələsində onun rəqibi ukraynalı Artyom Bilyuqa olacaq.
Bundan belə, idmançılarımız hərəyə bir qələbə qazanmalıdırlar ki, Azərbaycanın bayrağı Yerevanda yüksəkliyə qaldırılsın.