29 Avqust 2017, 11:35 | Ana Səhifə - Yazılar - Qara çadra, cırıq şalvar
Qara çadra, cırıq şalvar

Hidayət Elvüsal


Qapqara bir səhnə idi. Uzağı 19-20 yaşlarında olan, qara çadralı gəlin hamının diqqətini cəlb edirdi. Ona görə yox ki, qara çadrada idi. Ona görə ki, qucağındakı südəmər körpəni də qapqara çadraya bürümüşdü.

Metronun “Koroğlu” stansiyasında vaqondan çıxanda gördüyüm tablo heyrətamiz idi. İlanmələdən bu istidə qara çadraya bürünmüş körpə ağlayanda, o arıq, qaraçadralı gəlin, qara çantasından çıxardığı “sosqa”nı onun dodaqlarına yapışdırırdı. Bir anlıq fikirləşdim ki, bu “sosqa”nın qapqarası yoxdur, olsaydı…

Körpə “sosqa”nı əmib, bir anlıq kiriyirdi. Amma isti onu darıxdırırdı, nəfəsini kəsirdi və o, çırpınıb, hava almağını istəyirdi, ya daha nə dərdi vardı, Allah bilir.

Heç kəsin geyim-geciminə qarışmaq istəmirik. Amma son illər elə tablolar görürük ki, bunun nə qədər aşırı, qabardılmış, əndazədən çıxmış olduğunu görməmək mümkün deyil. Südəmər körpəni qara çadraya bükmək harada görünüb? Hətta, fanatizmin ən şiddətli, tüğyan etdiyi bir ölkədə, məkanda, təriqətdə belə şey yoxdur. Südəmər körpənin qara çadrası, qara hicabı… yalnız bizdə, Bakıda, paytaxtda görünən bir səhnədir. Biz hər şeyi təqlid edirik və həm də ağlagəlməz bir səviyyədə. Çünki biz… küyə gedənik. Gedirik və hara getdiyimizi də bilmirik.

Sosial şəbəkələrdə görmüsünüz. Barmaq boyda bir körpə qız uşağın yenə də hicabda, işarət barmağını qaldırıb, süni görüntü yaradanlar, şəkilin altında bu körpənin dilindən yazırlar: “Təkbir desəm, Allahu Əkbər deyərmisiniz?”

O körpə “təkbir”i, “Allahu Əkbər”i nə bilir? Niyə İslamı, müsəlmanlığı, dinimizi, imanımızı bu qədər süniləşdirir, saxtalaşdırırsınız? Niyə bu qədər günah işlər görürsünüz, Allahdan qorxmursunuzmu? Axı, hər şey, hər bir hərəkətimiz ona əyandır. Nə cavab verəcəksiniz? Deyəcəksiniz ki, sənin yolunda o cür saxtakarlıq, sünilik, yalançılıq… yaratmışıq?

Allahın yolundan azma, İslama gərəksiz, süni yamaqlar vurmağa çalışma, aşırı, şişirdilmiş, uydurma, ətürpədən radikallığa meyl etmə, yetər. Yəni kimlərisə təqlid etməyin bəs etmirmiş kimi, heç olmasa küyə getmə! Sosial mediada bir körpə fotosu (özü də quraşdırılmış şəkildə) yayıb, “Buraya “Amin!” yazmayan müsəlman deyil” kimi şeytanı zorakılıq etmə!

Məhz sizin kimilərin ucbatından nəinki bir müsəlman ölkələrinin, eyni şəhərin, eyn məhəllənin, hətta eyni evin İslam anlayışları bir-biri ilə uzlaşmır, düz gəlmir, bənzəmir. Səbəbi isə, əlavə edilmiş saxtakarlıqlar, qəbuledilməz ayinlər, səviyyəsiz, süni yozmalar, xeyir güdmək, qazanc əldə etmək daha nələr və nələrdir.

Kiril, yaxud latın əlifbası ilə yazdıqları duaları qəbristanlıqlarda, hətta bəzən hüzr məclislərində camaata sırıyan şeytan balaları görməmisinizmi? “Ucuz yasin oxuyuram” sözləri yazılmış “reklam” lövhəsinə bənzər karton parçasının yanında mürgüləyən mollaçaya rast gəlməlisinizmi? Toyuq, keçi, at oğurladığı üzündən türmədə yatıb-çıxan dələduzu molla qiyafəsində, qəbristanlıqda bayquşluq etdiyinə rast gəlməmisinizmi?

Niyə inanırıq? Küyə gedirik!

Əlində Quran tutub, qapı-qapı dilənən dələduzlar yoxdurmu? Var! Niyə dinmirik? Niyə müqəddəs kitabı belələrini əlindən alıb demirik ki, bu, dilənmək üçün nazil edilməyib?

“Medalın” başqa üzünə də baxaq. Göbəyiaçıq, “şalvarıcırıq” gənc qızlar necə, xoşunuza gəlirmi? Şortikdə gəzə-gəzə, qılçalarının uzun-uzun qıllarını göstərən oğlanlar necə? Sırğaları, üzükləri başlarına dəysin. Qız kimi danışır, işvə-nazla dillənirlər.

Qızları dedik. Dizləri cırıq şalvarlara dözmək olardı. Amma şalvarların cırıqları yavaş-yavaş üzüyuxarı gedir, harada dayanacağına zəmanət yoxdur. Çünki…

İndi bu şalvarlar… arxa tərəfdən cırılır. Bəzi gözəlçələrin arxa ayıbları küçələrdə, barlarda, orda-burda sərgilənir. Qabaqlar ana olan kəslər qızlarına:

- A bala, dizini ört! - deyərdilər.

İndi bu arxa tərəfi görüb, qıza:

- A bala… ört! - demirlər?

Küyə gedirik.

Biz nə çadranın, nə də normal geyim-gecimin əleyhinəyik. Biz deyirik ki, südəmər körpəni qara çadraya büküb, bağrını çatlatmayın. Şalvarınızı cırıb göbəyinizi küçələrdə göstərməyin. Deyirik ki, Qurandan danışmaq dili təzə-təzə açılan körpənin işi deyil. Şalvarı dizdən üzüyuxarı, yaxud arxa tərəfdən “cırıb” olan-qopanınızı sərgiləməyin.

Quran dəryadır, elmdir, bilikdir, dünyanı az-çox dərk etməmiş, o kitabdan heç nə anlamaq olmaz. Barmaq boyda körpə “Təkbir”in nə olduğunu bilməz, öyrədərsən, təkrar edər, amma bilməz, qardaşım, bilməz. Küyə getməyin!

Və bir də…

Yadıma ərəb şeyxləri düşdü. Yox, bunlardan yox. Dünyaya İslam, müsəlmanlıq dərsi öyrətmək istəyən şeyxləri və onların “tərbiyəli” övladları. O övladlar ki, Bodrumda, Antalyada lüt soyunub, rus və digər ölkələrdən gəlmiş yüngül əxlaqlı qadınlarla yaxtalarda, barlarda kef məclisləri qurub, şərab içə-içə şəkil çəkdirirlər.

Onların küyünə getməyin! Saxta, yalançı, din pərdəsi altında zinalıq, qaniçənlik eləyən… şeytanlardır.

 

 

 

MÜƏLLİFİN DİGƏR YAZILARI
DÇ-2022-nin siması müəyyənləşdi 24 Oktyabr 2021, 13:49 Ermənistanda virusa yeni yoluxanlar 24 Oktyabr 2021, 13:40 Sərnişin avtobusu "KamAz"la toqquşdu 24 Oktyabr 2021, 13:30 Nəbiyev amerikalı rəqibini yendi  24 Oktyabr 2021, 13:20 İran və Azərbaycan arasındakı münasibətlər necə davam edəcək? 24 Oktyabr 2021, 13:08 Əfqanıstan qana boyandı 24 Oktyabr 2021, 13:00 Böyük Qayıdış reallaşır: Qarabağda  işsizlik problemi olmayacaq 24 Oktyabr 2021, 12:46 Şəhidimizin anım günü - Video 24 Oktyabr 2021, 12:35 Xarkovda Axundova heykəl qoyuldu 24 Oktyabr 2021, 12:29 "Keşlə" -"Qəbələ" dueli 24 Oktyabr 2021, 12:19 Sabahın havası: duman olacaq  24 Oktyabr 2021, 12:08 Goranboyda oğrular qandallandı 24 Oktyabr 2021, 11:58 Yeni qeydiyyata alınan partiyanın HƏDƏFLƏRİ 24 Oktyabr 2021, 11:51 Dünyanın koronavirus MƏNZƏRƏSİ 24 Oktyabr 2021, 11:39 Balakəndə reyd  24 Oktyabr 2021, 11:29 Prezident və xanımından sevgi FOTOSU 24 Oktyabr 2021, 11:22 Bakıda fabrik alovlandı 24 Oktyabr 2021, 11:11 Mərmərədə gəmilər TOQQUŞDU 24 Oktyabr 2021, 11:08 Gürcüstanda virusa YOLUXANLAR 24 Oktyabr 2021, 11:00 Tayvan silkələndi 24 Oktyabr 2021, 10:51 Ötən ilin bu həftəsi - Müdafiə Nazirliyindən YENİ VİDEO 24 Oktyabr 2021, 10:48 Bu gün dünyanın gözü "Kamp Nou"da olacaq 24 Oktyabr 2021, 10:44 Bahalaşan neft, yüksələn ərzaq qiymətləri fonunda manatı nə gözləyir: devalvasiya, yoxsa...? 24 Oktyabr 2021, 10:32 Kolumbiyanın ən böyük narkotaciri qandallandı 24 Oktyabr 2021, 10:30 24 oktyabr:  Ümumdünya Poliomielitlə Mübarizə Günü 24 Oktyabr 2021, 10:26 Mənzildə meyit tapıldı 24 Oktyabr 2021, 10:16 Tovuzda ağır qəza  24 Oktyabr 2021, 10:05 Xəzərdə 5 otaqlı ev yandı 24 Oktyabr 2021, 09:59 SAVAŞ XRONİKASI: 24 oktyabr - düşmənin döyüş təyyarəsi vuruldu 24 Oktyabr 2021, 09:49 Özbəkistan  prezidentini seçir  24 Oktyabr 2021, 09:39 Məhəmməd Salahın mum heykəli London muzeyində 24 Oktyabr 2021, 09:30 Yunanıstan Misirdən işıq alacaq 24 Oktyabr 2021, 09:23 Həmyerlimiz Finlandiya çempionu oldu 24 Oktyabr 2021, 09:14 Rusiya vətəndaşlarına Gürcüstanda əmlak qadağası 24 Oktyabr 2021, 09:05 Tiflisdə zəfərimizin ildönümünə həsr olunan futbol turniri 24 Oktyabr 2021, 08:59