12Noyabr | Ana Səhifə - Yazılar - Deputat maaşına etiraz edənlər . . .
Deputat maaşına etiraz edənlər . . .

Namidə BİNGÖL

 

Milyarder təbəqə ki, pulun azlığından  şikayət etdi, deməyə söz də qalmır. Deyəsən, pul elə bir qüvvədir ki, onu əlinə alan hər kəs ondan razı qalmayacağına dair tövbə edib.

 

Həftənin hesabatını təqdim edirəm.

 

Odla su arasında qalan Mişa

 

Gürcüstanın sabiq prezidenti, Odessa vilayətinin eks-qubernatoru Mixail Saakaşvili ha çalışır ki, qəhrəmanlıq dastanı yazsın, alınmır ki, alınmır. İndi də onun tərəfdarlarını Ukraynadan deportasiya etmək istəyirlər. Deportasiya olunmağa məcbur edilənlər arasında Ukrayna azərbaycanlıları diasporunun sədri Hikmət Cavadov da var. Belə görünür ki, sərgərdan həyat sürməyə adət edən Mişa, nə özünə gün ağlaya bilir, nə də ətrafındakılara. Bir pencəklə Kiyev küçələrini dolaşan Saakaşvili üçün hələ ki, ümid qapısı görünmür. Bizim Hikmət Cavadov da Mişanın odunda yanmasa yaxşıdır.

 

 

Telman İsmayılov əfsanəsi bitir?!

 

Yanğınla üz-üzə qalan daha bir azərbaycanlı var. Belə ki, azərbaycanlı iş adamı Telman İsmayılov barəsində Moskvanın Basman rayon məhkəməsi tərəfindən  həbs qərarı çıxarılıb. İddialara görə, o, iki və daha çox qətlin təşkilində, həmçinin, qeyri-qanuni silah dövriyyəsində ittiham edilir. Üstəlik, beynəlxalq axtarışa verilib. Burda demək lap yerinə düşür: “Qulaq gündə bir söz eşitməsə kar olar”.

Milyarder Telman İsmayılov hara, həbsxana hara!  Biz Telman İsmayılovu daha pozitiv xəbərlərin əhatəsində görürdük. İndi isə... Artıq pul təkcə cibə yox, elə cana da ağırlıq edir.

 

 

 

 

 

 

 

 

 

 

 

 

 

 

Deputat maaşına etiraz edənlər

 

Həftənin, etirazları gözə alan xəbəri isə  Milli Məlisdən gəldi. Milli Məclisin İctimai birliklər və dini qurumlar komitəsinin sədri Siyavuş Novruzov büdcə müzakirələri zamanı deputatların maaş azlığından şikayətlənib.

 

Milli Məclisdə maaşla bağlı “şikayət məktubu”nu Siyavuş Novruzovun oxuması da bir qədər çaşqınlıq yaratdı. Niyə iqtisadi, sosial məsələlərə nəzarət edən deputat yox, məhz Siyavuş Novruzov?!

Əvvəla, Siyavuş Novruzov Mill Məclisin o tip deputatlarındandır ki, medianın istənilən sualına açıqdır. Bu vaxta qədər heç bir sual Siyavuş Novruzovu qorxutmayıb. Elə buna görədir ki, bütün etirazlara “hazıram” deyib, böyük bir kollektivin adından şikayət xarakterli təklifi də o, irəli sürdü.

 

Siyavuş Novruzov deputat maaşının az olmasını vurğulayarkən cəmiyyətin necə və hansı tonda reaksiya verəcəyini də çox yaxşı anlayırdı. Anlayırdı ki, “hörmətli müəllim” və “hippokrat andı içmiş həkim” aylıq maaş hesabına “qaz vurub, qazan doldurmur”. Məlum səbəblərə görə, bu sahənin adamları illərdir ki, “ələbaxımlılıq sindromu”na yoluxub.

 

“Bu gün hamı deputatın nə ilə dolandığını yaxşı hesablayır. Amma bilməliyik ki, bütün yük onların üzərinə düşür. Odur ki, deputatların da maaşı qaldırılmalıdır”. Bu, Siyavuş Novruzovun dilə gətirdikləridir.

 

Nə məsələdirsə, komitə sədrinin maaş mövzusunu gündəmə gətirməsi sanki hamımızı “fil qulağı”ndan ayıltdı. Qəfil cibimizə əl atıb gördük ki, “siçanlar oynayır”. Ay-haray, bu deputat nə danışır?!.. Əmək haqqı az olan biz, maaşlarının  qaldırılmasından danışan deputat. Axı niyə?!

 

  

  

 

 

 

 

 

 

 

 

 

 

 

Niyəsi odur ki, hər kəsin normal qaydada aylıq məvacibinin azlığı barədə fikir söyləmək haqqı var. Yoxsa ki, başqasının da sahib olduğu haqqı az qaldıq ki, daş-qalaq edək.

Və bu ölkədə müxtəlif sahələrdə çalışan insanların aylıq məvacibi heç də el-aləmə sirr deyil.

 

Məsələn, insan həyatının formalaşmasına, inkişafına, sağlamlığına cavabdeh olan müəllimin də, həkimin də maaşı həmişə az olub. Zaman elə dövr elədi ki, təhsil sahəsində repetitorluq dəbə mindi. Bir növ müəllimlər üçün əlavə qazanc yeri açıldı. Səhiyyə sahəsində çalışan həkimlərin isə bineyi-qədimdən pullu xəstəsi mütləq olub. Ona görə də əlavə qazanc əldə edən bəzi kəsimlər maaş azlığı ilə bağlı şikayət moizəsi oxumağa macal tapmayıb. Macal tapanların da səsinə səs verənlər olmayıb. İndi Siyavuş Novruzovun maaş söhbəti hər kəsə sillə kimi toxundu.

 

Bu arada, mətbuat səhifələrində məsələyə artistlərin də etiraz etməsinə Novruzovun maraqlı bir cavabı yer almışdı. Deputat deyir ki, dünyanın hansısa ölkəsində artist dövlət büdcəsindən maaş almır və onlar yalnız öz hesablarına müxtəlif yatırımlar edirlər. Doğru...Amma dünyanın artistləri gözünü ucuz toy mərasimlərinə dikmir. Dünyanın artistləri konsert salonlarında gecələyir. Bizdə isə sənətkar olmağın meyarları fərqlidir. Bizdə sənətkar olmaq üçün istedad yox, para gərəkdir. Ol para ki, yoxdursa, nəinki xeyriyyə xarakterli məktəblər, uşaq bağçaları tikiləcək, hətta, aləmə sənətkar belə bəxş edilməyəcək. Ona görə də deputatın çox maaş alması ideyasının ortaya atılması cəmiyyətin müxtəlif təbəqələrində qıcıq yaratmaya bilməzdi və yaratdı da.

 

Diqqət çəkən bir məsələ də vardı. Büdcə müzairələri zamanı təkcə deputatın maaşının azlığı müzakirəyə çıxarılmadı. Həm diplomatların, həm də həkimlərin maaş məsələsi gündəmə gəldi. “Diplomatik fəaliyyət haqqında” qanuna dəyişikliklə bağlı məsələni deputat Səməd Seyidov, həkimlərin maaşlarının çox aşağı olmasını isə deputat Elmira Axundova dilə gətirdi. Amma hədəf olaraq deputatların maaşlarının artırılması təklifi seçildi. Kim necə bacardısa, o formada da deputatları “qara siyahı”ya saldı.

 

Görəsən, parlamentdə təmsil olunan hörmətli deputatlar insanların nəzər-nöqtəsinə necə həkk olub ki, onların maaşlarının artırılması məsələsi bir çox təbəqələrdə etirazla qarşılandı?!  Halbuki, xalqın səs verib seçdiyi insanlar həmin deputatlardır. Elə xalqın problemləri də parlament zalında deputatlar tərəfindən aidiyyatı qurumlara çatdırılır. O zaman bu etirazların kökündə nə dayanır?!

 

Belə bir məsəl var. “Uman yerdən küsərlər”. Bəlkə də insanlar umduqları yerdən küsdükləri üçün etiraz səslərini də daha rahat şəkildə qaldırdılar. Bəlkə də, problemlərinin həlli üçün döydükləri qapı onların etirazını daha yaxşı anlayır. Nə yazıb-yazmağımızdan asılı olmayaraq, bəlkə də, maaş məsələsində etiraz edən hər iki tərəf haqlıdır. Fərqi yoxdur, harda oturublar. Təki etiraz etməyi bacarsınlar.

Əli Əhmədov “Əsrin müqaviləsindən DANIŞDI: “Risk amilləri mövcud idi” 18 Sentyabr 2019, 13:42 İcra başçısı 65 yaşlı şöbə müdirini təqaüdə göndərdi 18 Sentyabr 2019, 13:33 Ramiz Mehdiyev Belarus Təhlükəsizlik Şurasının dövlət katibi ilə görüşüb 18 Sentyabr 2019, 13:27 “Məktəbli formasında olan uşaqdan gedişhaqqı alınmasın!” - Deputatdan hökumətə ÇAĞIRIŞ 18 Sentyabr 2019, 13:26 “Elektron Kənd Təsərrüfatı”nda qeydiyyatdan keçənlərin sayı 335 min nəfərə çatıb 18 Sentyabr 2019, 13:23 Miqrasiya Xidmətindən Azərbaycandakı bəzi əcnəbilərlə bağlı sərt addım 18 Sentyabr 2019, 13:19 “Milli Onkologiya Mərkəzinə hər gün 1200 nəfər müraciət edir” 18 Sentyabr 2019, 13:14 Səfir Əhməd Ağaoğlu ilə bağlı məsələ qaldırdı: “Onda hansı uğura ümid edə bilərik?” 18 Sentyabr 2019, 13:10 Əli Əhmədov: ““Əsrin müqaviləsi” ən möhtəşəm layihələrdən biri oldu” 18 Sentyabr 2019, 13:10 Cəbhə xəttində monitorinq insidentsiz yekunlaşıb 18 Sentyabr 2019, 13:04 İlham Əliyev Belarus Təhlükəsizlik Şurasının dövlət katibini qəbul edib 18 Sentyabr 2019, 13:01 Sabah hava küləkli olacaq - PROQNOZ 18 Sentyabr 2019, 12:59 Sabiq nazirlər nə qədər pensiya alırlar…- ARAŞDIRMA 18 Sentyabr 2019, 12:56 Azərbaycan dənizçiləri Moskvada II yeri tutub 18 Sentyabr 2019, 12:55 Yol polisini təhqir edən şəxs SAXLANILDI - FOTO 18 Sentyabr 2019, 12:51 İcra başçısının müavini “Elina işi”nə görə məhkəmədə ifadə verdi 18 Sentyabr 2019, 12:43 Təhsil ekspertindən TƏKLİF: Məktəblilər gediş haqqından azad olunsun 18 Sentyabr 2019, 12:41 Payızlıq əkin üçün proqnozlaşdırılan sahələrin 59,5 faizi şumlanıb 18 Sentyabr 2019, 12:35 “Azərişıq”ın maşını aşıb - 2 ölü, 2 yaralı 18 Sentyabr 2019, 12:34 Yol polisi Abşeronda təhsil işçilərini maarifləndirdi 18 Sentyabr 2019, 12:32 Xaricilər “İdman jurnalistikası” magistr proqramını seçir 18 Sentyabr 2019, 12:24 Rusiyanın 6 böyük şəhərində Azərbaycan turizmi tanıdılacaq 18 Sentyabr 2019, 12:21 Baba Rzayev gürcüstanlı nazirlə mükazirə apardı 18 Sentyabr 2019, 12:17 Mineral gübrələrin güzəştli şərtlərlə səyyar satışı keçilir 18 Sentyabr 2019, 12:14 Övladlığagötürmə məsələsi Nazirliyin Kollegiya iclasına çıxarıldı 18 Sentyabr 2019, 12:09 Dünya Universitetlərinin reytinqi: Görünən və görünməyən tərəflər 18 Sentyabr 2019, 12:09 Nazirlik 53595 şagirdin digər məktəbə yerdəyişməsinə icazə verib 18 Sentyabr 2019, 12:02 Mehriban Əliyeva Üzeyir Hacıbəyli və Müslüm Maqomayevlə bağlı paylaşım etdi 18 Sentyabr 2019, 11:53 “Üzeyir Hacıbəylinin adı güllələnəcək şəxslərin siyahısına salınmışdı” - TARİX 18 Sentyabr 2019, 11:33 Maye qazın topdansatış qiyməti dövlət tərəfindən tənzimlənməyəcək 18 Sentyabr 2019, 11:32 Kameranın növbəti hədəfi Xankəndindəki Qələbə paradı olacaq... 18 Sentyabr 2019, 11:19 Praqmatik, nikbin və təmkinli ssenarilər əsasında hazırlanan büdcə 18 Sentyabr 2019, 11:16 Hüquq müdafiəçilərindən sosial şəbəkələrdəki söyüşlə bağlı MÜRACİƏT 18 Sentyabr 2019, 11:14 “Azərbaycanda həm meyitdən, həm də sağlam insandan orqan köçürüləcək” 18 Sentyabr 2019, 11:06 Zakir Həsənov təlimlərin gedişi barədə məruzəni dinlədi - FOTOLAR 18 Sentyabr 2019, 11:04