Bu gün Ağcabədi rayonunda Amerika Birləşmiş Ştatlarının dəstəyi ilə inşa olunan yeni məktəb binası istifadəyə verilib. Modern.az xəbər verir ki, ABŞ-ın Azərbaycandakı müdafiə sahəsində əməkdaşlıq üzrə Avropa Komandanlığı ofisinin dəstəyi ilə tikilən məktəb Ağcabədi rayonunun Nəcəfqulu kəndində yerləşir. 13 otaqlı məktəbin tikintisinə 500 min manat vəsait sərf olunub.
ABŞ-ın Azərbaycandakı səfirliyinin ictimaiyyətlə əlaqə şöbəsinin müdiri Terri Devidson bildirib ki, bu, sayca Azərbaycanda müdafiə sahəsində əməkdaşlıq üzrə Avropa Komandanlığı ofisinin dəstəyi ilə inşa edilən 15-ci məktəbdir. Onun sözlərinə görə, bu yaxınlarda Bərdədə məcburi köçkünlər üçün də yeni məktəbin inşasına başlanılacaq.
