18 Fevral 2018, 21:39 | Ana Səhifə - Yazılar - Cənubi Qafqazı gərgin durumda saxlamağa cəhdlər
Cənubi Qafqazı gərgin durumda saxlamağa cəhdlər

Rusiyanın İrəvanla bağlı narahatlığının mərkəzində işğalçı Ermənistana heç şübhəsiz ki, dəstək dayanır. Maraqlıdır, indi rəsmi Moskva tərəfkeşlik məsələsində kiminlə tərəfdaşlığa can atır?!

Həftənin hesabatını təqdim edirəm.

 

Qərarsız müxalifət

 

Azərbaycanda prezident seçkilərinin vaxtı bəlli olan kimi müxalifət partiyaları boykot qərarı verdi. Nədənsə, Milli Şuranın fəxri sədri olan Rüstəm İbrahimbəyovdan xəbər yoxdur. Maraqlıdır, kənardan prosesləri necə izləyir?! Güman ki, 2013-cü ildəki aktivliyindən sonra siyasətə qarışmamaq qərarı verib.

 

Didərgin Saakaşvili

 

Gürcüstanın sabiq prezidenti Mixail Sakaşvili isə siyasətdən getməklə bağlı bir türlü qərar verə bilmir. Ukraynadakı qalmaqallı məskunlaşmadan sonra Polşaya deportasiya edilən Saakaşviliyə Niderlandda şəxsiyyət vəsiqəsi verilib. Artıq  Hollandiya da qapılarını Saakaşvilinin üzünə açıb. Deyəsən, sabiq gürcü prezidentinə yaşıl işıq görünür. Ona görə də Saakaşvili bir az da ürəklənərək Ukrayna vətəndaşlığını bərpa etməyə israrlı olduğunu vurğulayıb.

 

Ermənistanın yuxusu ərşə çəkilib

 

Prezident seçkilərinin aprelin 11-nə təyin olması ölkədə siyasi ab-havanı daha qaynar hala gətirib.  Hətta vəziyyətin episentri bizə qonşu olan Ermənistan və Rusiyada daha möhkəm hiss edilir. Güman ki, Azərbaycanın atacağı addımlar bəzi siyasi dairələrdə hələ çox titrətmə yaradacaq.

 

 

Məlumdur ki, Rusiya və onun forpostu olan Ermənistan zaman-zaman Cənubi Qafqaz regionunda planlar qurmağa adət edib. Siyasi oyunların mərkəzində dayanan məkrli planlar qarşıya qoyulan hədəfə doğru bir siqnal olub. Yetişməkdə olan gənc nəsilə “böyük Ermənistan xülyası”nın heç zaman bitməyəcəyi aşılanır və Azərbaycanın digər torpaqları hədəf götürülür.

Azərbaycanda prezident seçkilərinin vaxtının önə çəkilməsindən dolayı Ermənistan özünə yer tapa bilmir.

Xüsusən də, İlham Əliyevin seçki açıqlamasından sonra  tarixi İrəvan torpağı barədə fikirlər səsləndirməsi işğalçı Ermənistanı “vıbrasiya rejimi”ndən qurtara bilmir.

Onlar ümidli idi ki, 2018-ci il Azərbaycanda keçiriləcək prezident seçkiləri oktyabrda baş tutacaq. Ermənistan isə mart ayında seçki marafonuna nöqtə qoyub yenə də təxribat xarakterli “dosya”larını vərəqləyəcəkdi. Amma gedişat heç də işğalçı dövlətin Qarabağla bağlı planlarına işartı ola bilmədi. Ermənistanda seçki həyəcanından dərhal sonra Azərbaycan seçki gününü qeyd edəcək.

Görünür, Azərbaycanda seçkilərin vaxtının payızdan-yaza çəkilməsi düşmənin ümumi psixoloji durumu üçün də xoş deyil. Qışdan payıza start götürəcək olan qatar yazda eniş etməli olacaq. Ermənistan istəsə də, istəməsə də bu eniş onun üçün “toydan sonra nağara” məsəlini xatırladacaq.

 

Qayıdaq prezidentin İrəvanla bağlı açıqlamasına. Hərçənd ki, YAP-ın VI qurultayı fevralın 8-də keçirilib, amma şimal qonşumuz fevralın 15-də daxili narahatlığını dilə gətirib. Prezident İlham Əliyev məlum çıxışı zamanı deyib:

“Ölkəmizin ərazi bütövlüyü danışıqlar mövzusu deyil, olmayacaq. Biz, həmçinin, tarixi torpaqlarımızı da unutmamalıyıq və unutmuruq. Bu da gələcək fəaliyyətimiz üçün istiqamət olmalıdır, necə ki, biz bu gün də bu istiqamətdə iş görürük. Bizim tarixi torpaqlarımız İrəvan xanlığıdır, Zəngəzur, Göyçə mahallarıdır. Bunu gənc nəsil də, dünya da bilməlidir.  İrəvan bizim tarixi torpağımızdır və biz azərbaycanlılar bu tarixi torpaqlara qayıtmalıyıq. Bu bizim siyasi və strateji hədəfimizdir və biz tədricən bu hədəfə yaxınlaşmalıyıq”.

 

1918-ci ildə Azərbaycanın tarixi torpağı olan İrəvana sahiblənən Ermənistan 2018-ci ildə İrəvanın itirilməsi qorxusunu yaşayır və buna görə dərin narahatlıq keçirir. Belə olan təqdirdə işğalçı dövlət tülkü qılığında böyük qardaşının qapısını döyməzmi?! Döyər. Özü də necə...

Ay amandı, biz 20 ildən çoxdur ki, Dağlıq Qarabağ və ona bitişik olan 7 rayonun qaytarılması ətrafında danışıqlar aparırıq və prosesi uzadırıq. Bu İrəvan məsələsi hardan çıxdı?! 

Bəli, şimal qonşumuz  bilməlidir ki, Ermənistan işğalçı olduğunu unuda bilər. Amma bu cür unutqanlığı Azərbaycandan tələb etmək yolverilməzdir. Heç kəsə sirr deyil ki,  Rusiya kiçik qardaşının göz yaşlarına sakitcə tamaşa etməyəcək. Çünki Cənubi Qafqazı gərgin durumda saxlamaq üçün Rusiyanın addımları danılmazdır. Narahatlıq və qorxu içində addımlayan Ermənistanın imdadına həmişə olduğu kimi bu dəfə də böyük qardaşı  çatdı.

 

Rusiya XİN-in mətbuat katibi xanım Mariya Zaxarova deyib ki “Biz Azərbaycanın qonşu Ermənistanla gərgin münasibətlərini yaxşı bilirik. Bu fikir (prezidentin İrəvan açıqlaması - red.) gərginliyin azalmasına xidmət etmir”.

Deyəsən, xanım Zaxarova Cənubi Qafqazda kimin işğalçı, kimin isə işğala məruz qaldığını hələ də ayırd edə bilmir. Ayırd edə bilsəydi, illərdir ki, regionu kimin gərgin vəziyyətdə  saxladığını daha yaxşı bilərdi. Digər tərəfdən isə, Dağlıq Qarabağ bölgəsi və ona bitişik olan 7 rayonun işğal siyasətinin qurbanı olması, heç də uzaq tarixdə baş vermiş siyasi proses deyil.

 

Bu arada, çox keçmədi ki, Rusiya rəsmisinin cavabına Azərbaycan Xarici İşlər Nazirliyindən cavab gəldi. XİN-nin mətbuat katibi Hikmət Hacıyev mediaya açıqlamasında deyib ki, Rusiya XİN nümayəndəsinin prezident İlham Əliyevin YAP-ın qurultayında səsləndirdiyi fikirlərlə bağlı açıqlaması tərəfimizdən anlaşılmazlıqla qarşılandı.

“Azərbaycan və Rusiya arasında strateji tərəfdaşlıq münasibətlərini və yüksək səviyyəli dialoqu nəzərə alaraq, dövlət başçısının fikirlərinə bu səpkidə münasibət bildirilməsini düzgün hesab etmirik. Azərbaycan xalqının öz tarixi torpaqlarına qayıtması nəyə görə kimisə narahat etməlidir?”

 

 

İndi Rusiyanın XİN rəsmisi narahatlığın boşuna olduğunu dərk etməyə çalışır. Həm də ona görə dərk etməyə çalışır ki, bu narahatlıqdan ortanı gərginlikdə saxlamaq qoxusu gəlir. Hər halda 2013-cü ildə Azərbaycanda keçirilən prezident seçkilərini xatırlayır. Rusiyanın diqtəsi ilə ortaya atılan Milli Şura və onun fəxri sədri Rüstəm İbrahimbəyovun adı isə  heç də yabançı olmamalıdır.

 

Görünür, bu dəfə də seçki öncəsi bəzi xarici qüvvələr alovlanmaq eşqinə düşüb. Alovlansınlar. Amma alışdırdıqları ocağın közündə özləri yanmalı olacaqlar. Çünki başqa cür mümkün deyil.

Diaspordan Paşinyana ŞƏRT: “İstefa ver, Ermənistana investisiya yatıraq” 26 Yanvar 2021, 15:31 Dağıntılar altında qalan azyaşlının cəsədi tapıldı - VİDEO 26 Yanvar 2021, 15:18 İranda daha 79 nəfər koronavirusdan öldü 26 Yanvar 2021, 15:06 “Düşünürəm ki, qısa zamanda vaksinin müsbət təsirini görəcəyik” 26 Yanvar 2021, 15:00 AQTA-dan ictimai iaşə müəssisələrinin sahiblərinə müraciət - FOTO 26 Yanvar 2021, 14:56 Bakıda daha bir İNTİHAR - Gənc oğlan özünü öldürdü 26 Yanvar 2021, 14:50 Çingiz Qənizadə polis əməkdaşları haqqında çəkilən videoya bir daha aydınlıq gətirdi 26 Yanvar 2021, 14:44 UNEC-in alimi dünyanın 2-ci ən böyük iqtisadi onlayn platformasına ekspert seçilib 26 Yanvar 2021, 14:38 Naftalanın icra başçısı vətəndaşlarla növbəti onlayn qəbul keçirib - FOTO   26 Yanvar 2021, 14:33 İlham Əliyev fransalı dövlət katibini qəbul edib 26 Yanvar 2021, 14:28 "Azərbaycanda internet azaddır" - İlham Əliyev 26 Yanvar 2021, 14:22 İlham Əliyev azad edilmiş ərazilərdə şəhər və kəndlərin necə qurulacağını AÇIQLADI 26 Yanvar 2021, 14:16 Prezident işdən çıxardığı nazirdən DANIŞDI 26 Yanvar 2021, 14:10 Prezident yeni naziri qəbul etdi - “Siz bu məsuliyyəti öz işinizlə doğrultmalısınız” 26 Yanvar 2021, 14:04 Şamaxıda püskürən vulkanın səbəbi açıqlandı 26 Yanvar 2021, 13:58 Pensiyaçılara şad xəbər - artımlar bu tarixdən veriləcək 26 Yanvar 2021, 13:52 Yeni rabitə naziri kimdir? - DOSYE 26 Yanvar 2021, 13:46 Lavrov-Zərif görüşü başladı – Qarabağ müzakirə olunur 26 Yanvar 2021, 13:40 Qarabağın dirçəlişi qeyri-neft sektorunun inkişafına zəmin yaradacaq - Deputat   26 Yanvar 2021, 13:37 Ərdoğan türk hərbçilərin Azərbaycanda fəaliyyətini müzakirə edəcək 26 Yanvar 2021, 13:32 Baxçalı Şuşada tikiləcək məktəbin layihəsini təqdim etdi - FOTO 26 Yanvar 2021, 13:26 Naxçıvana reyslərin sayı həftədə 3 dəfəyə qaldırıldı 26 Yanvar 2021, 13:22 İlham Əliyev “Azərkosmos”un sədrini vəzifəsindən azad etdi 26 Yanvar 2021, 13:20 Xırdalandakı partlayışla bağlı cinayət işi AÇILDI 26 Yanvar 2021, 13:19 Dollar bu il 10-15% devalvasiyaya uğraya bilər – PROQNOZ 26 Yanvar 2021, 13:16 Rəşad Nəbiyev nazir təyin edildi - SƏRƏNCAM 26 Yanvar 2021, 13:10 Nazir Ramin Quluzadə işdən çıxarıldı 26 Yanvar 2021, 13:05 Sabah hava necə olacaq? 26 Yanvar 2021, 13:00 Sergey Prixodko vəfat etdi 26 Yanvar 2021, 12:56 Ermənistan parlamenti bu gün buraxıla bilər – Təcili İCLAS 26 Yanvar 2021, 12:50 Bu gün Dünya Ekoloji Təhsil Günüdür 26 Yanvar 2021, 12:45 Övladlarını məktəbə göndərməyən valideyinlər sənəd imzaladılar 26 Yanvar 2021, 12:40 SOCAR-ın adından istifadə edən dələduzlar kimlərdi… 26 Yanvar 2021, 12:34 Polis 36 nəfəri saxlayıb 26 Yanvar 2021, 12:28 Bakıda məhkum öldü 26 Yanvar 2021, 12:22