19 İyun 2016, 17:09 | Ana Səhifə - Yazılar - Papanın erməni sevgisi
Papanın erməni sevgisi

Namidə BİNGÖL

 

İnsanların həyat hekayələrinə laqeyd münasibət göstərənlərin ayağını tapdalayanda qəfildən gözləri açılır. Daha diqqətli, daha məsuliyyətli, daha qayğıkeş olurlar. İş işdən keçəndən sonra qayğıkeş, diqqətcil sifət almağın nə faydası var?! Bilən varmı?!

Həftənin hesabatını təqdim edirəm.


Ah, papa, papa!

 

Roma papası I Fransisk də sakit bir yerdə oturmaq bilmir. Ermənistana səfər edib. Cənubi Qafqazın oğru dövləti isə ənənəsinə sadiq qalaraq, qoca papanı “milli” lavaşla qarşılayıb. Lavaşın ətrindən bihuş olan papa qondarma erməni “soyqırımı” abidəsini ziyarət edərkən “erməni soyqırımı” ifadəsini işlədib. Bu, papanın ikinci planlı sayıqlamasıdır. Təxminən bir il bundan qabaq da papa həzrətləri 20-ci əsrin ilk soyqırımının ermənilərə qarşı törədildiyini deyib.

 

Kompüterin F5 düyməsini basmaqla deyil. Onsuz da bir il ərzində papanın düşüncəsi yenilənməyib. Min cavana dəyməsə belə, başının dəyirman daşı kimi işlədiyi dəqiqdir.

 

86 yaşında “köhnə hamam köhnə tas” məsəlinə havalanıb ordan-ora gəzir özü üçün. Biz də sözdə dünyada “sülh qaranquşu” rolunda çıxış edən papaya məktub yazırıq ki, bağ belə, bostan belə... Qarabağ məsələsinin həllində, erməni girovluğunda olan həmyerlilərimizin geri qaytarılmasında etdiyiniz səfər müddətində Ermənistana təzyiq göstərəsiniz. Ay-hay!

 

Adama elə gəlir ki, bu papa yeriyəndə gözü ayağının altından başqa heç yeri  görmür. Amma əksinədir. Cənubi Qafqaz səfərinə Ermənistandan start götürən  papanın, qardaşlıq sevgisi o qədər güclüdür ki, bu yaşında belə haqlının yanında olmağı özünə sığışdırmır.

 

Bu arada, payızda Azərbaycana səfər edəcək olan papanın çıxışını səbirsizliklə gözləyirəm.

 

Deputat danışmaq istəyəndə...

 

Yayın gəlişini hamı səbirsizliklə gözləyir. Axı yayda dəniz, günəş, hava, dincəlmək var.  

 

Milli Məclisin işgüzar deputatları da hamıdan çox dincəlmək istəyir. İl uzunu görüşlər, səfərlər, tədbirlər o qədər çox olur ki, yay gələndə telefonları söndürüb bir müddətliyə yüklənmədən uzaq olmağa çalışırlar. Təbii ki, bu, bütün deputatlara şamil edilmir. İstisnalar həmişə mövcuddur. Məsələn, deputat Zahid Oruca gecə saat 12-də də zəng vursan, istənilən məsələ ətrafında fikir mübadiləsi aparacaq. Telefonda ən azı 10 dəqiqə danışacaq.

 

Danışmaqdan söz düşümüşkən, yola saldığımız həftə elə qalmaqal da danışmaq üstündə yarandı. Milli Məclisin sonuncu iclası zamanı spiker Oqtay Əsədovla  deputat Zahid Oruc arasında yaşanan söz davası anındaca sosial şəbəkələrdə müzakirəyə çıxarıldı. Spiker qınaq obyektinə tuş gəldi, deputat isə müdafiə mərkəzində qərarlaşdı. Deputatın danışmaq istəyinə spiker əsəbi halda “səviyyəni gördük” deyib. Yaxşı ki, bu qalmaqal sonuncu gün baş verdi. Yoxsa, Zahid Orucu  sakitləşdirmək çətin olardı. Axı, deputat bilir ki, parlamentdə danışarlar. Susub oturmazlar.

 

Ağ xalata ləkə düşərsə....

 

Yola saldğımız həftə daha bir hadisə gündəmi zəbt etdi. Yenə də səhiyyəmizdəki çatışmazlıqlar müzakirəyə çıxarıldı. Müzakirə Səhiyyə Nazirliyi səviyyəsində olmasa da, insanların narahatlığına əsas var. Salyanda üçəmlərdən ikisinin elektrik enerjisinə qurban getməsinin ardınca, digər həkim xəstənin sağlam orqanında analoqu olmayan əməliyyat keçirdi. Baş verənlər səhiyyə nazirindən başqa hamını düşündürdü, narahat etdi. Çünki səhiyyəmizdəki  çatışmazlıqlar vaxtaşırı “gözümüzə girir”, axı!

 

Həkim səhlənkarlığı hər zaman mövcud olub. Yaxşı yadımdadır. 7-8 il bundan qabaq qonşuluqda 70 yaşlı qadını həkim  əməliyyat etmişdi. Allah tərəfi əməliyyat uğurla başa çatmışdı. Amma həkim səhlənkarlığı özünü qısa zamanda biruzə vermişdi. Sən demə, həkimin qayçısı xəstənin qarın boşluğunda qalıbmış. Dərhal yaşlı qadını  ikinci dəfə əməliyyat edərək, qayçını götürmüşdülər.

 

Maraqlıdır ki, əməliyyat otağında həkim tək olmur. Amma həkimin səhlənkarlığına anındaca əngəl olan tibb işçisi də tapılmır.

 

Bu arada, Çexovun “6 nömrəli palata” əsəri yadıma düşür. Həmin palatadakı xəstələri itirib axtaran da yoxdur. Həkim Andrey də digər həkimlər kimi bura təyinat alanda xəstələr yadına düşmür.  Çünki həkim Andrey xəstələrin əzab çəkməsindən xəbərsizdir. Necə deyərlər, “başına gəlməyən necə başmaqçı ola bilər?!”

 

Əsərin sonunda həkim də həmin palatanın sakini olur. O zaman xəstələrin nə əziyyətlər çəkdiyinin şahidi olur. Amma o vaxta qədər həkim, xəstələrin durumundan  xəbərsiz imiş.

 

Belə anlaşılır ki, bizim də bəzi həkimlərimiz xəstələrin  nə əziyyətlər çəkdiyindən xəbərsizdir. Belə  davam etsə, həmin həkimləri xəstənin yerinə uzadıb sağlam qolunu kəsmək lazımdır. Görsünlər ağrı çəkmək necə olur. O zaman anlayarlar ki, xəstəyə qarşı diqqətli, qayğıkeş, məsuliyyətli olmaq həm də həkimin insanlıq borcudur. Bu borcu qaytarmayanda  bədəli çox ağır olur.

 

Ağ xalatlı vicdanlı, qayğıkeş həkimlərimizin qarşısında isə hər zaman baş əyirik.

 

 

 

Türkiyədə daha 59 nəfər virusdan öldü 24 İyun 2021, 22:29 Xarici işlər nazirləri Bakıya gəlir 24 İyun 2021, 22:16 "Keşlə" portuqaliyalı futbolçu ilə müqavilə imzaladı 24 İyun 2021, 22:05 Göygöldə gənc qız sirkə turşusundan zəhərləndi 24 İyun 2021, 21:52 Con Sallivan Moskvaya qayıtdı 24 İyun 2021, 21:39 Vahid Ələkbərov yenidən “LUKoil”un prezidenti seçildi 24 İyun 2021, 21:25 Ceyhun Bayramov şahzadə ilə görüşdü 24 İyun 2021, 21:19 Bakıda federasiyanın sürücüsü küçədə döyülərək öldürüldü - FOTO 24 İyun 2021, 21:08 UEFA səfər qolu qaydasını ləğv etdi 24 İyun 2021, 20:57 Putin Ərdoğanla Qarabağı MÜZAKİRƏ ETDİ 24 İyun 2021, 20:43 ABŞ 53 min Əfqanıstan vətəndaşını üçüncü ölkələrdə yerləşdirəcək 24 İyun 2021, 20:35 Polisə müqavimət göstərən restoran sahibi həbs edildi - FOTO 24 İyun 2021, 20:19 Zelenski Rusiyaya qarşı sanksiyaları imzaladı 24 İyun 2021, 20:08 Gürcüstanda iki azərbaycanlı yeniyetmə göldə batıb – FOTO 24 İyun 2021, 19:42 “Vaksinasiya yoluxucu xəstəliklərlə mübarizədə  xilas yoludur” – Akademikdən ÇAĞIRIŞ 24 İyun 2021, 19:26 53 əfqan hərbçi Özbəkistan ərazisinə keçib 24 İyun 2021, 19:09 Prezident ona polis general-mayoru ali xüsusi rütbəsi verdi 24 İyun 2021, 18:56 Paylayıcı qutunu yararsız hala salındı, yol qəzası baş verdi – FOTO 24 İyun 2021, 18:54 Mətbuat Şurasından xarici media qurumlarına MÜRACİƏT 24 İyun 2021, 18:51 Komitə iclasında 4 məsələ müzakirə olunub 24 İyun 2021, 18:45 Gömrük Əməkdaşlıq Şurasının 138-ci sessiyası keçirilir 24 İyun 2021, 18:42 Müdafiə Nazirliyinin hərbi qulluqçuları təltif edilib – SİYAHI 24 İyun 2021, 18:37 Şəhriyar Məmmədyarov ilk dəfə Harri Kasparovla qarşılaşacaq 24 İyun 2021, 18:30 Putin Paşinyanı seçkilərdə qələbə münasibətilə təbrik etdi 24 İyun 2021, 18:22 Britaniya səfiri Rusiya XİN-ə çağırıldı 24 İyun 2021, 18:15 Sahibə Qafarova BMT-nin Azərbaycandakı rezident əlaqələndiricisi ilə görüşüb 24 İyun 2021, 18:08 Ermənilər Tovuz istiqamətində mövqelərimizi atəşə tutdu - Rəsmi 24 İyun 2021, 18:00 Tikinti şirkəti BNA-nin avadanlığını yararsız hala saldı 24 İyun 2021, 17:55 “Hərbi xidmətlərə görə” medalı ilə təltif  olunan hərbçilərin SİYAHISI 24 İyun 2021, 17:50 Xocavənddə yolda ermənilər tərəfindən basdırılmış minalar aşkarlandı 24 İyun 2021, 17:44 Şadlıq saraylarında kondisionerlərin işləməsinə məhdudiyyət qoyulub? - Rəsmi cavab 24 İyun 2021, 17:38 Əhalinin banklardakı əmanətləri artıb 24 İyun 2021, 17:32 İlham Əliyev döyüşdə fərqlənən hərbçiləri TƏLTİF ETDİ 24 İyun 2021, 17:26 UEFA səfər qolu qaydasını ləğv etdi - RƏSMİ 24 İyun 2021, 17:20 Dolların məzənnəsi sabit qaldı 24 İyun 2021, 17:14
SORĞU AVRO-2020-nin qalibi hansı komanda olacaq?