27 İyul 2016, 12:17 | Ana Səhifə - Yazılar - Parıltılı təhsilin ruhundakı saxtalıq
Parıltılı təhsilin ruhundakı saxtalıq

Vəfa Allahverdiyeva

 

Builki tələbə qəbulunda 700 bal toplayan məzunların əksərinin təhsil aldığı məktəblərin adı məhşur lisey, eləcə də  qeyri-lisey təyinatlı təhsil  ocaqlarının siyahısında yer almadığına görə, yaxşı şagirdin sanballı tədris müəssisələrindən və şəhər mühitindən  çıxması fikri alt-üst olur.

Çünki ən aparıcı, qapısını arxasız döymək qeyri-mümkün olan məktəblər yaxşı təhsil şöhrəti ilə məntiqi baxımdan ictimai rəyə 3 yox, 5 yox, onlarla 700, ya da bir qədər aşağı ballı nəticələr təqdim etməli olduğu halda, bu sarıdan liderlik şansını itirirlər. 

Bu, o həqiqətin isbatıdır ki, oxumaq sevgisi və sözün həqiqi mənasında diplomlu adam olmaq iddiası ilə yaşayan yeniyetmə ucqar bir kənd məktəbində də proqramı mənimsəyə bilər və elə bu cəhətdən ilin-günün çətin vaxtında ailələrin göydə gedən təhsil axtarışı ilə sosial imkanlara qeyri-adekvat şəkildə uşaqları onlarca kilometr kənara daşıması əbəs çabadır. Çünki imtahanda mükəmməl sonucu müəllim, üstəgəl ciddi və intizamlı ailə institutu ilə  içində bilik həvəsi olan uşaqlar birgə yaradır.

Fikir versək, 700 bal toplayan uşaqların uğur formulu televizorsuz, telefonsuz, sosial şəbəkələrsiz həyat şəraitidir ki, bu, yeniyetmənin fərdi iradəsi ilə paralel  ailənin təhsilə ciddiyyəti və diktator metodları ilə inşa olunur.

Parıltılı təhsil bəzən aldadıcı xarakter daşıyır.  Ən böyük parıltı, ən böyük səviyyə  təhsil eşqli gəncin özüdür. 700 ballıq nəticədə altı çizilməli xətt budur.  

...      ...    ...

Dünyanın bir çox yerlərində fərqli imici, zahiri parıltısı ilə gözqamaşdıran fətullahçı təhsil ocaqları maskası düşmüş “məxluq”un aqibətini yaşayır.

1980-cı illərdən bəri müsəlman ölkələrinin darvazalarını təhsil mələyi obrazında acan Gülən məktəbləri siyasi  şeytan olaraq bu darvazalardan çıxmağa başlayır.

Uğurlu təhsil mifi dağılır və bu sistemdən, əsl sirlərindən xəbərsiz, yalnızca  keyfiyyətinə görə məmnun qalan böyük sayda insanın hazırkı əndişəsini anlamaq çətin deyil. 

Bu əndişə iki aspektdən mövcuddur:

Birincisi, məsələn, Ali Neft Məktəbinin idarəçiliyinə təhkim edilən Qafqaz Universitetinin öz  səviyyəsini saxlayıb-saxlamayacağı soruları beyinləri məşğul edir.

Halbuki rahatladan bir təsəlli var: Azərbaycanın ən pis təhsili gözəllik pərdəsi arxasında gizlənib ruhunda cinayət gəzdirən tərifli təhsildən min dəfə yaxşı olmalıdır.

İkincisi, bu təhsil müəssisələrində yetişən nəslin gerçəkdən kimliyi-potensial cinayətkar, vətən xaini, yoxsa müdrik ağıl, səviyyəli baş olması ziddiyyətləri valideynləri dərin düşüncələrə sövq edir. 

Oxşar tərəddüdlər yəqin ki, bu məktəbləri bağlayan Somali, Pakistan, Türkiyə və digər ölkələrin təhsilsevər ictimaiyyətində də yaşanır.

40 ildə Türkiyənin siyasi, ictimai, hüquqi, iqtisadi, elmi, mətbu sahələrini zəbt etmiş fətullahçı təfəkkür sahiblərinin kürünüb çölə atılan statistikası fantastik bir rəqəm təşkil edir. Bir ölkənin bütün srtukturlarına bu qədər insanın xain qiyafəsində yerləşməsi ağıl alan  bir məsələ deyil.

Uğurlu təhsil bu projenin  görünən tərəfi idi. İndi tam çılpaqlığı ilə aydın olur ki, yaxşı gənclik yetişdirmək məqsədin sonuncusu olub, öndə gələn maraq siyasi hədəflər üzərinə mükəmməl təhsillə yürüş etmək, elmlə silahlandırılan nəsli dövlət orqanları içərisində yerləşdirmək, lazımı zamanda savadlı “ictimai ordu”dan dövlət əleyhinə yararlanmaqdır.

2-3 il bundan öncə Türkiyədəki “Gəzi hadisələri”nin paralelliyində Azərbaycanda Fətullah Gülən məktəbləri haqqında pis bir kəlmə işlətmək asan deyildi. O qədər müdafiəçilər var idi ki, adamın öz fərqli düşüncələrinə şübhəsi yaranırdı. Uğurlu təhsil modeli ortaya qoyanların əl-ayağı öpülürdü.

Türkiyədəki hadisələrin hazırkı dalğasından sonra övladları Gülən məktəblərində təhsil alan, almış olan ictimai personaların müdafiə səsi kəsilib. Özünü emosional qabağa atıb Gülənin təhsil siyasətinə tərif söyləyənlər yoxdur.  Bəlkə də etirazın, müqavimətin yerinə elə bir hiss keçib ki...

Yəni, bu parıltılı, amma qaranlıq ideolojisi olan  məktəblərdən kecib gələn övladlar artıq öz ailələrində qorxunun və min cür şübhənin mənbəyi kimi çıxış edir. Baxmayaraq ki, Azərbaycan analoji durumu yaşamır. Burada həmin təhsildən keçən təbəqənin dövlət çevrilişinə hazırlıq ssenarilərində adı hallanmır. Amma şübhə yoxdur ki, “mükəmməl təhsil” modelinin hər coğrafiya üçün məqsədi eyni, zamanı müxtəlifdir. 

Bu məktəblər yeganə təhsil ocağı idi ki, onların məzunları çöldə qalmır, iş yerləri ilə təmin edilirdi. Zənnimizcə, bu məqama xüsusi diqqət vermək lazımdır. Fakt ondan ibarətdir ki,  bizim nazirlərimiz də gənc kadrları bu məktəblərdən seçib, dövlət işinə cəlb edirdilər. Qaranlıq məsələləri bilərəkdən-bilməyərəkdən.  

Gülən məktəblərinin reytinqinin azalması, tədricən ifşa olunması Azərbaycanda alternativ uğurlu, heç bir qaranlıq daşımayan  təhsilin inkişafına yaxşı bir yol açır. “Kaspi” təhsil müəssisələri keyfiyyətinə güvənə bilinən bir imic qazanır. Üstəlik, pulu Amerika bulağından gəlmir. Maliyyəsi də özümüzünkü, sahibi də,  ideolojisi də...

 

MÜƏLLİFİN DİGƏR YAZILARI
Türkmən Həkimləri Dərnəyinin sədri İlham Əliyevi təbrik etdi 30 Noyabr 2020, 18:23 Şəhid ailələri və Qarabağ müharibəsi əlillərinə yeni evlər verildi - FOTO 30 Noyabr 2020, 18:14 Azərbaycan Zod qızıl yatağı ilə bağlı araşdırmalara başlayır - RƏSMİ 30 Noyabr 2020, 18:05 İran Qarabağın bərpasında iştirak etməyə hazırdır - Vitse-prezident 30 Noyabr 2020, 17:59 Qəzada ölən tələbələr Covid-19 xəstələrini müalicə edirdilər - TƏBİB 30 Noyabr 2020, 17:53 Paşinyan rusiyalı həmkarı ilə telefonda danışdı 30 Noyabr 2020, 17:47 Banklarda bu günə olan valyuta məzənnələri 30 Noyabr 2020, 17:42 Azərbaycanda koronavirusa yoluxma AZALDI 30 Noyabr 2020, 17:36 Gəncə Şəhər Baş Polis İdarəsinə yeni rəis təyin edildi 30 Noyabr 2020, 17:30 “Oğlum öz şəklinə baxıb dedi ki, bir gün burada şəhid görəcəksən” - Şəhid anası 30 Noyabr 2020, 17:25 Azərbaycanın axtarışa verdiyi jurnalist Laçına gəldi 30 Noyabr 2020, 17:20 FHN-in Laçındakı inzibati binasının lövhəsi hazırdır 30 Noyabr 2020, 17:14 Ermənilər daha bir tarixi məscidimizi tövləyə çevirdi - FOTO 30 Noyabr 2020, 17:09 Laçının yol nişanları hazırlanıb 30 Noyabr 2020, 17:03 Ombudsman beynəlxalq ictimaiyyətə müraciət edib 30 Noyabr 2020, 16:58 İşğaldan azad olunmuş ərazilərə getməyə nə vaxt icazə veriləcək? - AÇIQLAMA 30 Noyabr 2020, 16:53 “Nar”ın 4G istifadəçilərinin sayı 35 % artıb   30 Noyabr 2020, 16:50 Rusiyanın Qafqazda rolu necə olacaq? - ŞƏRH 30 Noyabr 2020, 16:45 “Qəbələ” - “Qarabağ” matçının vaxtı açıqlandı 30 Noyabr 2020, 16:39 YAP Gəncə şəhər təşkilatının gəncləri şəhid ailələrini ziyarət ediblər - FOTO   30 Noyabr 2020, 16:34 Putin də Paşinyandan üz çevirdi – Moskva səfəri ləğv olundu 30 Noyabr 2020, 16:29 Biləsuvarda avtomobil kanala aşdı 30 Noyabr 2020, 16:26 Azərbaycan dövlətçiliyinin islahatlar və zəfər mərhələsi - Ədalət Vəliyevin YAZISI 30 Noyabr 2020, 16:20 Erməni bayrağını erməninin özünə endirtdi - VİDEO 30 Noyabr 2020, 16:16 Atambayev barədə məhkəmə hökmü ləğv edildi 30 Noyabr 2020, 16:11 Deputatın adına saxta profil açıldı   30 Noyabr 2020, 16:07 Sülhməramlılar münaqişə zonasından 600-dən çox cəsəd çıxarıb 30 Noyabr 2020, 16:05 İtaliyanın daha iki bələdiyyəsindən Azərbaycana DƏSTƏK 30 Noyabr 2020, 16:03 Azərbaycanda 8 siyasi partiya sədri vəfat edib 30 Noyabr 2020, 16:00 Şuşa uğrunda şəhid olan müəllim 30 Noyabr 2020, 15:55 Baş Prokurorluq əhaliyə müraciət etdi - VİDEO 30 Noyabr 2020, 15:50 Şuşa türməsində Dilqəm Əsgərovun şeir dəftəri TAPILDI - FOTO 30 Noyabr 2020, 15:45 Gəncədə erməni terroruna qarşı aksiya keçirildi - VİDEO 30 Noyabr 2020, 15:44 Ermənistanın dinc əhaliyə qarşı cinayətlərinin STATİSTİKASI 30 Noyabr 2020, 15:40 Evini tərk edən daha iki nəfər COVİD-19 xəstəsi saxlanıldı 30 Noyabr 2020, 15:37
SORĞU Cəbhə xəbərlərini hansı mənbədən alırsınız?