Modern.az

Xaricdə təhsil alan azərbaycanlı tələbələrin problemləri müzakirə olunub

Xaricdə təhsil alan azərbaycanlı tələbələrin problemləri müzakirə olunub

10 Oktyabr 2009, 17:29

«Gənc Liderlər» Uşaq və Gənclər Təşkilatının (UGT) təşəbbüsü ilə oktyabrın 10-da  «Xaricdə təhsil və onun diaspor quruculuğunda rolu» mövzusunda toplantı keçirilib. Tələbələr və yuxarı sinif şagirdlərinin iştirak etdiyi t oplantıda xaricdə təhsil alan azərbaycanlı tələbələrin durumu, uğurları və prolemləri, eyni zamanda onların diaspor quruculuğundakı rolundan danışılıb.
«Gənc Liderlər» UGT-nin sədri Fərid Şahbazlı plkə başçısının gənclərin xaricdə təhsil almağa göndərilməsini diqqətdə saxlamasını yüksək dəyərləndirib. O, gənclərin beynəlxalq universitetlərdə bakalavr və magistratura təhsili alıb, Azərbaycanın inkişafı yolunda çalışmasını dövlətmizə uğurlu gələcək vəd etdiyini vuğulayıb. Təşkilatın sədri tələbəlrin Azərbaycan həqiqətlərinin xarici gənclər arasında yayılmasında mühüm rol oynadığını söyləyib.
Toplantıda çıxış edən Azərbaycan Təhsil Nazirliyinin Türkiyə İzmir Tələbə Təmsilçisinin köməkçisi, Ege Universitetinin Türkiyə baş naziri Rəсəb Tayyib Ərdoğanın şəxsi təqaüdünü alan tələbəsi Ramin Cəfərov gənclərin xaricdə təhsil almağa göndərilməsinin əhəmiyyətindən danışıb. O, bu sahəyə daha çox diqqət ayrılmasını arzulayıb. R.Cəfərov bu gün xaricdə təhsil alan tələbələrin əsas probleminin ölkəmizdə sərfəli iş yeri tapmaq olduğunu vurğulayıb. O, bununla bağlı prezident sərəncamının olduğunu deyərək, problemin tezliklə həllini tapacağını qeyd edib.
Azərbaycanlı tələbələrin Türkiyədəki diaspora fəaliyyətindən danışan R.Cəfərov tələbələrin diaspora işinin avanqardı odduğunu deyərək, gördükləri işlərdən danışıb. O, türk gənclərinin ortaq buraxdığı «Türk otağı» dərgisi haqqında məlumat verib.

Twitter
Sizə yeni tvit var
Keçid et
Hərbi gəmilər döyüşə hazır vəziyyətə gətirildi