Sloveniyanın hazırkı dövlət başçısı Borut Pahor ölkədə keçirilən ikinci tur prezident seçkilərində qalib gəlib. Modern.az "RİA Novosti"yə istinadən xəbər verir ki, bu barədə ölkənin Dövlət Seçki Komissiyası bildirib.
İlkin nəticələrə görə, 53 yaşlı B.Pahor 52,95%, onun rəqibi, Kamnik şəhərinin meri Maryan Şarets isə 47,05% səs toplayıb.
Qeyd edək ki, Sloveniyanın mövcud qanunvericiliyinə əsasən, ikinci turda qalib sadə səs çoxluğu ilə müəyyənləşir.
