Avropa İttifaqı (Aİ) Şurasının sədri Şarl Mişel Ermənistanın baş naziri Nikol Paşinyanla görüşdə əl sıxmaqdan imtina edib.
Modern.az “rusarminfo”ya istinadən xəbər verir ki, bu barədə Ermənistanın baş naziri Nikol Paşinyan “Facebook” səhifəsində yazıb.
“Belçikada koronavirusun yayılması ilə əlaqədar Avropa İttifaqı Şurasının başçısı ilə görüşü əl sıxmadan başlayırıq”, - N.Paşinyan qeyd edib.
Məlumat üçün bildirək ki, Ermənistanın baş naziri Nikol Paşinyan martın 9-da Brüsselə səfər edib.
