Ermənistanda 20 iyun növbədənkənar parlament seçkiləri öncəsi siyasi mübarizə kəskinləşib.
Modern.az Ermənistan KİV-nə istinadən xəbər verir ki, Yerevanda tərəfdarları ilə görüşən baş nazir Nikol Paşinyan eks-prezident Robert Koçaryanı Mehri rayonunu Azərbaycana verməkdə ittiham edib.
“Koçaryan 1999-cu ildə Laçin dəhlizinin qarşılığında Mehri rayonunun Azərbaycana verilməsi barədə danışıqlar aparırdı”- deyə Paşinyan söylətib.
O, Koçaryanı 1999-cu ildə Ermənistan parlamentində baş verən terror aktı barədə də öncədən məlumatlı olmaqda ittiham edib.
Vanadzor şəhərində tərəfdarları ilə görüşən Koçaryan isə səslənən açıqlamaları yalan adlandırıb.
