Ankarada Türkiyənin xarici işlər nazirinin müavini Sedat Önal və ABŞ Dövlət katibinin köməkçisi Vendi Şerman arasında görüş keçirilib.
Modern.az xəbər verir ki, bu barədə Türkiyə XİN məlumat yayıb.
Görüşdə ikitərəfli iqtisadi-siyasi münasibətlər və regional məsələlər, o cümlədən, Ukraynadaki vəziyyətlə bağlı fikir mübadiləsi aparılıb.
Tərəflər Rusiyanın Ukraynaya qarşı hücumunun qəbul edilməz olduğunu vurğulayıb. Onlar Rusiyanı hərbi əməliyyatları dayandırmağa çağırıblar.
Diqqətə çatdırılıb ki, Türkiyə və ABŞ Ukraynanın suverenliyi və ərazi bütövlüyünü dəstəkləyir.
