“Ermənistan Azərbaycanla sülh sazişi imzalamaq üçün tezliklə danışıqlara başlamalıdır”.
Modern.az xəbər verir ki, bunu Ermənistanın Baş naziri Nikol Paşinyan hökumətin iclasında bildirib.
Paşinyan çıxışında deyib: "Regionda və dünyada vəziyyət gərgindir. Biz də bu gərginliyi azaltmaq üçün həll variantlarını axtarıb tapmalıyıq. Bunun üçün məsuliyyət daşıyırıq".
"Fikrimizcə, Ermənistanla Azərbaycan arasında sülh danışıqları dərhal başlamalıdır. İki ölkə sərhədlərinin delimitasiyası və demarkasiyası istiqamətində də işlər sürətləndirilməlidir", - deyə Baş nazir vurğulayıb.
