Məşhur ispaniyalı aşpaz və ictimai xadim Xose Andresin qeyri-hökumət təşkilatı olan Dünya Mərkəzi Mətbəxi (World Central Cuisine - WCK) Ukraynada hərbi əməliyyatlar başlayandan evlərini tərk etmək məcburiyyətində qalan ukraynalıları yeməklə təmin etmək üçün münaqişə zonasına və qonşu ölkələrə səfər edib.
Modern.az AZƏRTAC-a istinadən xəbər verir ki, Xose Andresın ortağı və WCK İdarə Heyətinin üzvü Xavyer Qarsianın sözlərinə görə, bu günədək Ukraynada 3,5 milyondan çox yemək verilib, 2 min ton ərzaq paylanıb.
X.Qarsia deyir ki, gündə 250 min yemək verilir və bu rəqəm artmaqdadır. Bu humanitar fəaliyyətə könüllülər ordusu da cəlb olunub.
Yardım üç istiqamətdə həyata keçirilir - Ukraynanın özündə, sərhədlərdə, eləcə də qaçqınları qəbul edən ölkələrdə.
Hazırda Xose Andresın təşkilatı Ukraynada ərzaq yardımı göstərən yeganə ictimai qurumdur.
