Ukraynanın xarici işlər naziri Dmitro Kuleba və Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Josep Borrel arasında telefon danışığı olub.
Modern.az xəbər verir ki, bu barədə Kuleba özünün "Twitter" hesabında məlumat yayıb.
Onlar Rusiyaya qarşı yeni sanksiyalarla bağlı razılığa gəliblər.
"Ukrayna və Aİ Yaxın Şərq, Afrika və Asiyaya kömək məqsədilə taxıl dəhlizinin gələcək fəaliyyətini təmin etməkdə qərarlıdır. Rusiyaya qarşı yeni sanksiyalar, Ukraynaya silah tədarükü ilə bağlı mövqeləri razılaşdırdıq. Balkan yarımdadasındakı təhlükəsizlik vəziyyətini müzakirə etdik", - deyə nazir bildirib.
