Ukraynanın "Şaxtyor Donetsk" klubunun futbolçusu Mixaylo Mudrik Londonun "Çelsi" klubu ilə müqavilə imzalayıb.
Modern.az xəbər verir ki, bu barədə ingilis komandasının rəsmi saytı məlumat yayıb.
Futbolçunun "Çelsi" ilə müqaviləsi 8 il yarım davam edəcək.
"Çelsi ilə müqavilə imzaladığım üçün çox xoşbəxtəm. Bu, fantastik liqada nəhəng klubdur və karyeramın bu mərhələsində mənim üçün çox cəlbedicidir”, - Mudrik bildirib.
22 yaşlı cinah yarımmüdafiəçisi bu mövsüm Ukrayna çempionatında 12 oyuna çıxıb, 7 qol vurub və eyni sayda məhsuldar ötürmə edib.
Mətbuatda yayılan məlumata görə, London klubu oyunçunun alınması üçün 100 milyon dollar verib.
Akif İsmayılov
