"Qısa müddətdə ordunun potensialını bərpa etmək mümkündür".
Modern.az "Sputnik Armenia"ya istinadən xəbər verir ki, bunu Ermənistanın keçmiş müdafiə naziri, hazırda parlamentdəki müxalif "Hayastan" fraksiyasının rəhbəri olan Seyran Ohanyan deyib.
"Bunun üçün ağıllı və düşünülmüş addımlar lazımdır. Ordunu bərpa etməyin, onun döyüş effektivliyini artırmağın və mübarizə aparmağın yeganə yolu budur. Hakimiyyət zəiflikdən danışır, çünki vəziyyəti və çağırışları düzgün qiymətləndirə bilmirlər. Düzgün qiymətləndirmə olmadan düzgün qərarlar qəbul edilə bilməz", - deyə o bildirib.
"Ermənistan hakimiyyəti reallıqdan kənar qərarlar verir. Onlar prioritetləri, o cümlədən təhlükəsizlik və birliyi başa düşmürlər", - Ohanyan əlavə edib.
