Ukrayna Milli Təhlükəsizlik və Müdafiə Şurasının katibi Oleksey Danilov bəzi qüvvələrin Ukraynanı Moskvanın şərtləri əsasında Rusiya ilə danışıqlar masası arxasına oturtmağa çalışdıqlarını söyləyib.
"İndi sadəcə olaraq belə gərgin vəziyyət var ki, bizi Rusiyanın şərtləri ilə tez bir zamanda danışıqlar masasına oturtmaq istəyirlər. Hazırda bu məsələ ilə bağlı çox böyük kampaniya başlayıb. Müxtəlif ölkələrdən çoxlu təkliflər var", - Danilov bildirib.
Lakin onun sözlərinə görə, Zelenski Rusiya Federasiyası ilə danışıqlara qərar verərsə, bu, yalnız Ukraynanın şərtləri ilə olacaq.
"Bəzi ölkələrin nümayəndələri nə qədər istəsələr də, bizdə heç kim milli maraqlardan imtina etmək fikrində deyil", - deyə o əlavə edib.
