Baş nazir Nikol Paşinyanın qərarı ilə Armen Abazyan yenidən Milli Təhlükəsizlik Xidmətinin direktoru təyin edilib.
Modern.az xəbər verir ki, bu barədə Ermənistan KİV-ləri məlumat yayıb.
General-mayor Armen Abazyan bu gün prezident Vaaqn Xaçaturyanın sərəncamı ilə Milli Təhlükəsizlik Xidmətinin direktoru vəzifəsindən azad edilmişdi.
Xatırladaq ki, hökumətin noyabrın 30-da keçirilən iclasında qəbul edilən qərara görə, Milli Təhlükəsizlik Xidmətinin direktoru və müavinlərini prezident deyil, baş nazir vəzifəyə təyin və vəzifədən azad edə bilər.
General A.Abazyan 2020-ci ilin noyabrından Milli Təhlükəsizlik Xidmətinin direktoru işləyir.
