"Ukraynanın Avropa İttifaqına daxil olması ilə bağlı danışıqlar yaya qədər dayandırılıb".
Modern.az AFP-yə istinadən xəbər verir ki, bunu Avropa Komissiyasının sədri Ursula fon der Leyen deyib.
O, iyunun 6-dan 9-dək keçiriləcək Avropa Parlamenti seçkilərindən əvvəl danışıqlar üçün lazımi əsasın yaradılmasını gözləmədiyini bildirib. Leyenin fikrincə, bu, bir az vaxt aparacaq və bəlkə də Aİ yayın əvvəlinə hazır olacaq.
Agentlik xəbər verir ki, Avropa Komissiyası hazırda Ukrayna ilə danışıqlar üçün “rəhbər prinsiplər çərçivəsi” üzərində işləyir və daha sonra Aİ-nin bütün 27 üzv ölkəsi tərəfindən yekdilliklə təsdiqlənməlidir.
